影片
更多
2011-10-04
74 浏览
大利来在大三巴开了分店，未见新铺资料，放了在旧铺同大家分享一下先﹗话说国庆o个日我地一行六人去左澳门，做左件傻事，要同大家分享一o下﹗第一件傻事系行左去大三巴，九千几人在迫，比弥敦道有过之而无不及﹗再一件傻事就系我地见到有个哥哥拎住个牌写住大利来记猪扒包﹗一场来到澳门点都要整番个猪扒包吧，于是跟佢指示上大三巴﹗杀上大三巴牌坊，人潮于鲫，行上去仲难过Sogo过马路﹗你推我挤的冲上去，上到去好似打完仗咁成身湿哂﹗嗱嗱嗱，就在大三巴牌坊前的，大利来记猪扒包﹗大利来在澳门有几出名唔洗讲吧，每天氹仔那边的露天茶档都济满了排队等吃的游客，我要强调是「游客」因为本本旅游书也有介绍﹗本地人或已吃过的十之八九都不会再去，因为真的不外如是，记得两三年前同食家试过次后已没有再去了﹗友人话试试，就一人买一个啦﹗$22一个，佢真系好好赚﹗食家点了辣鱼包﹗佢话到明系即叫即做，等左三分钟左右就有得食喇﹗包完全不热的，拿上手已唔多对路，焗都无焗过﹗一啖咬落去，一行六人都打左个突，包唔热唔在讲，仲要系又硬又韧的，完全不松化，很明显出炉已放置很久，唔系隔夜架嘛？﹗猪扒方面，大小唔同佢计，块猪扒一味死咸雪藏货，好老实我去街
话说国庆o个日我地一行六人去左澳门，做左件傻事，要同大家分享一o下﹗
第一件傻事系行左去大三巴，九千几人在迫，比弥敦道有过之而无不及﹗再一件傻事就系我地见到有个哥哥拎住个牌写住大利来记猪扒包﹗一场来到澳门点都要整番个猪扒包吧，于是跟佢指示上大三巴﹗
杀上大三巴牌坊，人潮于鲫，行上去仲难过Sogo过马路﹗你推我挤的冲上去，上到去好似打完仗咁成身湿哂﹗
嗱嗱嗱，就在大三巴牌坊前的，大利来记猪扒包﹗
大利来在澳门有几出名唔洗讲吧，每天氹仔那边的露天茶档都济满了排队等吃的游客，我要强调是「游客」因为本本旅游书也有介绍﹗本地人或已吃过的十之八九都不会再去，因为真的不外如是，记得两三年前同食家试过次后已没有再去了﹗
友人话试试，就一人买一个啦﹗$22一个，佢真系好好赚﹗食家点了辣鱼包﹗
佢话到明系即叫即做，等左三分钟左右就有得食喇﹗包完全不热的，拿上手已唔多对路，焗都无焗过﹗
一啖咬落去，一行六人都打左个突，包唔热唔在讲，仲要系又硬又韧的，完全不松化，很明显出炉已放置很久，唔系隔夜架嘛？﹗猪扒方面，大小唔同佢计，块猪扒一味死咸雪藏货，好老实我去街市买个烧烤包入面件猪扒都一定比佢好食﹗
咁既货仔加包阳光柠檬茶够胆死收人$30，真系xxxxxx﹗有冇搞x错﹗
食家的辣鱼包，包又系同猪扒包一样唔热，辣鱼加入左洋葱及咖哩，反而有o的咖哩味，但系由于个包真系太失色，食家一路吃一路闹﹗最后食左半个掉了﹗听闻这店已开进威尼斯人，仲要天天自由行游客排哂队等半小时先有得食﹗真系god bless u!!
上OR网见人人在闹，我暗骂自己都系笨人一个，上当多一次，我想这必会是人生的最后一次﹗
张贴
