煥記海鮮飯店

营业中

休息中

午餐食左葡国菜，夜晚想食番D中菜。朋友推介焕记，话d野抵食，所以就嚟试下。大约17:55到，但入面已经满座，留左名话要45分钟后先有位，最后18:45先可以入座。喺门口已经见到好多生猛海鲜，我们选了一旧龙趸腩，果皮蒸。D肉好嫩滑，亦有少少果皮味。海哲手撕鸡，普遍ok，只系咸左D。家乡焗鱼肠，无乜鱼肠，蛋太多。椒盐鲜鱿，好惹味，点埋D汁更佳！焕记一品煲，煲入面几多料，除左菜仲有虾、鲜鱿、带子、冬菇等。D食物虽然好食，但上菜速度极慢，等到最后一样𩠌要成个几钟，仲要吹左好几次都话会追一追。整体来说，D野食都几抵，质素都唔差，但服务就有D改善的空间。