影片
更多
2016-11-29
12902 浏览
今日系屈小姐生日正日⋯呢个咁特别既日子，赖生梗系要特别帮佢庆祝啦！赖生早系一个月前已经订好位，仲偷偷地落左request要写生日快乐！比个惊喜比屈小姐（等你成日咁古惑比惊喜赖生丫啦希望今次唔会又比侦探屈小姐发现啦）一尼到~ 间餐厅好大！有成三层！成座黄色既葡式别墅咁，所以都好易揾易认！入去坐就传统西餐格局啦，白枱布配木餐椅！环境都ok既！今次我地就坐3楼！既然系屈小姐生日，当然佢想叫咩就叫咩啦！我地叫左马介休薯球、柠檬炒蚬，非洲鸡同焗鸭饭4样野，不过餐厅系冇免费茶水提供既，我地就叫左支叫Luso既矿泉水，一支要40蚊嫁（1L)! 叫左野食之后，店员就送上一人一个热辣辣既餐包 （似细既脆猪仔包）讲下d野食先⋯1）餐包 （3星）- 个包真系岩岩焗热比你既- 好脆！但外皮略微有点太硬，入面就好松软既- 如果就咁涂牛油食⋯就冇乜味，但点非洲鸡个酱食就超正！<--赖生与屈小姐自创食法（点非洲鸡酱版 5星）2）Luso 矿泉水 （5星）- 本来觉得一枝水咁贵好唔抵~ 点知~ 支水好滑，入口一流！好解渴！- 重点系呢间餐厅野食较浓味，所以饮呢支水就唔错啦！可以隔一隔，用黎试真d每样野既味道-
一尼到~ 间餐厅好大！有成三层！成座黄色既葡式别墅咁，所以都好易揾易认！入去坐就传统西餐格局啦，白枱布配木餐椅！环境都ok既！今次我地就坐3楼！
既然系屈小姐生日，当然佢想叫咩就叫咩啦！我地叫左马介休薯球、柠檬炒蚬，非洲鸡同焗鸭饭4样野，不过餐厅系冇免费茶水提供既，我地就叫左支叫Luso既矿泉水，一支要40蚊嫁（1L)! 叫左野食之后，店员就送上一人一个热辣辣既餐包 （似细既脆猪仔包）
讲下d野食先⋯
1）餐包 （3星）
- 个包真系岩岩焗热比你既
- 好脆！但外皮略微有点太硬，入面就好松软既
- 如果就咁涂牛油食⋯就冇乜味，但点非洲鸡个酱食就超正！<--赖生与屈小姐自创食法（点非洲鸡酱版 5星）
2）Luso 矿泉水 （5星）
- 本来觉得一枝水咁贵好唔抵~ 点知~ 支水好滑，入口一流！好解渴！
- 重点系呢间餐厅野食较浓味，所以饮呢支水就唔错啦！可以隔一隔，用黎试真d每样野既味道
- 注: 佢有分大水同细水，细果枝平啲啲，但真系得一杯多少少，建议想饮水都系叫大枝抵啲
3） 马介休薯球 （5星）
- 1碟有4粒，size就似中式点心咸水角咁大
- 入面爆多馅！一切开系见到马介休拉丝！薯球就劲Creamy劲smooth!
- 放入口系食得到马介休既咸鱼味！但又唔会遮左薯仔既甜味！正连屈小姐都从此对马介休薯球改观 (事关屈小姐之前系其他「出名」葡国餐厅食过，系整得好难食架)
4） 柠檬炒蚬 （4.5星）
- 又系果句⋯剧大碟！起码有斤几蚬！你仲会见到好多柠檬同蕃茜！好足料
- 个汁酸酸甜甜！有蚬既鲜甜+白酒既甜，配埋大量柠檬同蕃茜特别既香味！个汁超refreshing，令人忍唔住不停食
- 蚬好肥好大粒！都好鲜甜⋯唯一美中不足系有少少砂不过唔多，无太大影响
- 当你将4-5只蚬放满只匙更，再一啖放入口，真系超满足！！！ (仲要有赖生拆肉摩打手，屈小姐极叹！)
5）非洲鸡 （4.5星）
- 好惹味！蕃茄肉酱带少少辣既！辣既程度似谭仔小辣！捞饭点包同佢配既薯仔一流
- 有半只鸡加半个焗薯！份量几好！
- 焗薯呢！焗得好脆口好重薯味！好正！
- 鸡就不得了啦，D鸡肉有齐哂滑既位，实净得尼少少鞋既位，同淋既位！仲要外皮都好滑！焗到冇乜脂肪！有鸡味！正！而且好易切到骨肉分离！
- 唯一扣分位系食既时候要非常小心，因为好多碎骨，仲介损左屈小姐个口少少
6）焗鸭饭 （3.5星）
- 份量系可以装到4碗饭
- 焗得有d干
- 入面好多葡国肠粒同超多鸭肉丝系底！好足料！
- 面又有烟肉同葡国肠
- 个饭焗到入晒鸭味嫁！都唔差既！
- 系赖生杯茶 (屈小姐就拎尼捞非洲鸡个酱食不过会遮哂个饭本身既味同偏咸)
好啦⋯⋯食饱饱之后！重点黎啦⋯⋯！赖生同屈小姐讲饮左咁多水，你去个washroom先啦⋯⋯一阵仲有排行先番到酒店！咁屈小姐就好乖乖咁去左啦！趁呢个空档，赖生就问个预先order左既甜品-葡式朱古力布甸得未！个女服务生一早帮我留意住我地食野既节奏，预番时间上嫁啦，佢话等多一阵就ok!
等到屈小姐去完washroom番黎，过左2分钟左右！突然间⋯成间餐厅熄晒灯，播生日歌，屈小姐面带惊讶同怀疑咁问赖生系咪佢嫁？赖生系呢个时候就选择番做自己⋯扮傻仔呃佢！等个插左蜡烛既朱古力布甸黎到屈小姐面前，赖生最期待既画面出现左啦！屈小姐终于被赖生Surprise到啦！！！ 表现出shy shy样啦！！佢又开心又惊喜又怕丑个样真系好靓好可爱！(<-- 赖生最中意整到屈小姐shy shy样) 另外好多谢其他客人配合唱生日歌（特别隔离枱个女仔）
等屈小姐许完愿，吹完蜡烛就开动食甜品啦！
7） 葡式朱古力布甸 （4星）
- 朱古力味偏甜⋯同埋有酒味，都几易入口几特别
- 好滑
- 写生日快乐，熄灯播埋歌都只系另加35蚊！赖生觉得可以比到惊喜屈小姐~好抵呀
食完之后，屈小姐话本来仲谂紧食咩甜品好，原来赖生已经一早安排左 果然一餐完满既Dinner系要有甜品作结架！
#生日快乐
#终于到赖生威番次
#到我比惊喜妳yeah!
#其实诈蠢全为妳付出的机智
#要共最美的人分享每个夜晚
#最难忘的生日
#Really Surprised
#多谢赖生为屈小姐既精心准备<3
餐包
69 浏览
0 赞好
0 留言
Luso 矿泉水 1L
$40
164 浏览
0 赞好
0 留言
马介休薯球
$68
125 浏览
0 赞好
0 留言
柠檬炒蚬
$148
174 浏览
0 赞好
0 留言
非洲鸡
$188
192 浏览
0 赞好
0 留言
焗鸭饭
$208
177 浏览
0 赞好
0 留言
葡式朱古力布甸（生日版）
$85
217 浏览
1 赞好
0 留言
张贴
