影片
更多
2011-06-19
82 浏览
o系Openrice呢度睇过呢间餐厅所有食评都系笑脸，就订位一家四口食父亲节晚餐。餐前小食系各位都提过o既米通盏牛肉粒，味道OK，可惜牛肉粒唔热，米通盏亦唔够脆，腍咗少少。必试o既鹅肝金钱鸡同椒盐龙脷仔总算冇失望，鹅肝配肥猪肉竟然一d都唔腻，而鹅肝亦好软滑冇筋；龙脷仔每条好似我食指咁o既size，一碟十几条，非常脆口，只系份量太少有d唔够喉。之后叫咗个虾（菜名唔记得咗），系大虾泡油后加沙律酱，下面垫住茄子，再配南瓜汁（冇记错系$138）。Fusion但好食！虾爽口又大只，个南瓜汁又好味。阿妈叫咗个带子蔬菜粉丝煲，有带子（普通过普通，又唔系特别大）、草菇、虾干、小棠菜、粉丝；阿爸叫咗爽爽杂菜，即系脆口o既蔬菜包括莲耦片、西芹、蜜豆、百合、白果等炒埋一碟。两碟都冇特别，只能话不过不失。脆皮柚子手撕鸡半只，即系鸡丝加柚子肉，上面铺番炸子鸡咁样o既脆皮。首先，鸡丝唔系手撕，系切o既（咁你叫鸡丝柚子沙律咪算啰）；第二，冇咩调味；第三，柚子多过鸡丝好多，如果多番少少鸡丝好d（我地全家o既意见）。睇完呢度咁多位o既食评，一心想叫乳猪焗饭，竟然冇得食！！！我事先有打电话问过，去到现场又问多次，答案都系
餐前小食系各位都提过o既米通盏牛肉粒，味道OK，可惜牛肉粒唔热，米通盏亦唔够脆，腍咗少少。
必试o既鹅肝金钱鸡同椒盐龙脷仔总算冇失望，鹅肝配肥猪肉竟然一d都唔腻，而鹅肝亦好软滑冇筋；龙脷仔每条好似我食指咁o既size，一碟十几条，非常脆口，只系份量太少有d唔够喉。
之后叫咗个虾（菜名唔记得咗），系大虾泡油后加沙律酱，下面垫住茄子，再配南瓜汁（冇记错系$138）。Fusion但好食！虾爽口又大只，个南瓜汁又好味。
阿妈叫咗个带子蔬菜粉丝煲，有带子（普通过普通，又唔系特别大）、草菇、虾干、小棠菜、粉丝；阿爸叫咗爽爽杂菜，即系脆口o既蔬菜包括莲耦片、西芹、蜜豆、百合、白果等炒埋一碟。两碟都冇特别，只能话不过不失。
脆皮柚子手撕鸡半只，即系鸡丝加柚子肉，上面铺番炸子鸡咁样o既脆皮。首先，鸡丝唔系手撕，系切o既（咁你叫鸡丝柚子沙律咪算啰）；第二，冇咩调味；第三，柚子多过鸡丝好多，如果多番少少鸡丝好d（我地全家o既意见）。
睇完呢度咁多位o既食评，一心想叫乳猪焗饭，竟然冇得食！！！我事先有打电话问过，去到现场又问多次，答案都系一样，短期内都冇乳猪饭食...... 怒！冇饭食，阿爸就叫咗个四川担担面（应该系一人份$48），另外叫咗个鱼翅炒米粉。担担面好普通，就一碗辣汤加面，其他一粒配料都冇...... 阿妈话下次要食面不如落番楼下粥面庄。鱼翅、米粉、芽菜同蛋花炒埋，另外泡过油o既瑶柱丝同红醋分开上；卖相好好睇，炒得好干身爽口，食落...... 冇味o既！！！我知鱼翅本身冇味，但系普通炒米粉都应该有味啩！！！我地一家都唔系重口味o既人（你睇我地连菜都叫两碟就知啦），但呢个鱼翅炒米粉真系比较失望。
甜品估你唔到反而平靓正。我地叫咗腰果露、黑白芝麻布甸同埋桂花豌豆黄，每样都系廿几蚊；腰果露d腰果似炒过，好香；芝麻布甸滑溜；豌豆黄好香桂花味。最好o既系三样甜品都甜度适中。反而系最后附送每人一小杯奶茶略嫌太甜太腻，朝早当早餐OK，餐后配甜品就无谓了，配咖啡或者清清地饮番中国茶好过。茶位$10一位，总消费$850+10%=$935，以食物加环境算系不过不失，但唔知系我期望太高定系我唔识点菜...... 总括d嘢食都系味道偏淡同埋冇惊喜，少少失望啰。试过一次叫做试咗啰。
张贴
