影片
更多
2009-12-28
76 浏览
25-12-2009想试呢度好耐, 到步食完葡挞做 "amuse-bouche" , 就到后街食 dinner 庆祝圣诞节吧.每台台上都有一兜 olives, 望落好似用蒜蓉「渍」过, 不过大家都无食, 唔讲太多了. Bread basket 法包唔算好热, 但外够松脆, 内亦软熟, 食落仲几有面粉香, 几好食 (冻咗都好食, 面粉应该品质不错?); 奉上已 soften 的 Anchor 牌牛油, 不错的安排.Sauteed clams with garlic and coriander: 热辣辣一大 pot 上, 未食已闻到好香蒜蓉味, 好吸引. 蚬仔只只嫩滑无沙, 食落鲜甜, 又有蒜蓉牛油的咸香及 herbs 的清香, 比 Escada (http://www.openrice.com/restaurant/commentdetail.htm?commentid=2018968) 做得仲好食㖞 下面的大量牛油汁亦不容错过, 配 table bread 一流, 但始终系溶了的牛油, 记得唔好一次过蘸太多.Stuffed crab shell 要了热食的, 卖相不错, 不过食
想试呢度好耐, 到步食完葡挞做 "amuse-bouche" , 就到后街食 dinner 庆祝圣诞节吧.
每台台上都有一兜 olives, 望落好似用蒜蓉「渍」过, 不过大家都无食, 唔讲太多了.
Bread basket 法包唔算好热, 但外够松脆, 内亦软熟, 食落仲几有面粉香, 几好食 (冻咗都好食, 面粉应该品质不错?); 奉上已 soften 的 Anchor 牌牛油, 不错的安排.
Sauteed clams with garlic and coriander: 热辣辣一大 pot 上, 未食已闻到好香蒜蓉味, 好吸引. 蚬仔只只嫩滑无沙, 食落鲜甜, 又有蒜蓉牛油的咸香及 herbs 的清香, 比 Escada (http://www.openrice.com/restaurant/commentdetail.htm?commentid=2018968) 做得仲好食㖞 下面的大量牛油汁亦不容错过, 配 table bread 一流, 但始终系溶了的牛油, 记得唔好一次过蘸太多.
Stuffed crab shell 要了热食的, 卖相不错, 不过食味一般而已: 面头落了 cheddar 焗制, 焗得干身, 有点脆口, 但馅料「粉」多过乜, 蟹肉就碎湿湿, 食落一 pat 糊的口感 , 而且唔知落了 d 乜鬼沙律酱汁, 食落酸酸甜甜, 似足「蟹盖版 crab cake 少蟹肉」, 感觉怪怪的.
Baked bacalhau in cream sauce: 原来系招牌之一? 面头落了 cheddar 焗得微㶶, 食落脆口咸香中又 creamy, 底下马介休香而不太咸或过干, 配上大量粒状薯仔, 系几好食, 不过 (1) 劲 heavy, (2) 份量仲要咁大, 二人食剩差不多一半呢...
Spinach puree: 菠菜够溶烂, 不过落了几多蒜蓉, 食落当然蒜味盖过一切 本为清口腔之选, 但呢个食完个口都有 d 臭, oops
其实仲 order 了 flan pudding 蛋黄布丁, 但咸食份量劲大, 严重食唔晒, 最后还是 cancel 了甜品 order., 唯有下次再嚟食过吧.
食物不错, 小店环境亦好, 优雅得来带点「家庭」feel, 可惜 ventilation 麻麻, 楼下愈坐愈焗; service 亦好, 店员们有礼貌又 helpful, 印象很不错.
连加一每人约 $195 埋单, 比起一向喜欢的 Escada, 我更喜欢呢度, 值得试试.
张贴
