凱撒餐廳 (氹仔舊城區) (已結業)

一入门口已经感受到店家嘅热情，有家庭式嘅温暖。🐟马介休球配眉豆沙律，系我食过最好味嘅炸马介休球，薄薄一层嘅炸皮，好light一啲都唔油腻，入面嘅马介休薯蓉好绵密，唔会过咸。眉豆沙律酸酸哋好清新开胃。「葡式三文治」，呢个喺我去葡萄牙波图旅行时，喺当地餐厅经常见到嘅菜式，两块多士夹住牛扒、火腿、上面再加芝士同「戴咗顶帽」太阳蛋，再配一个可以自选辣度嘅茄汁。真系好饱肚鸭肉饭超足料，非常多鸭肉丝，而且好嫰，味道好葡式，饭粒粒分明。啤酒廿几蚊一杯，仲平过冻柠茶🤣唔啤一啤真系对唔住自己。