濱味

营业中

休息中

呢间位于司打口前地附近越式外卖店 滨味 ，主要提供法式面包、糯米饭、捞蒙以及越式饮品为主，而家仲有几个套餐选择。入去叫外卖时发现前面两个客人都系同店家用越南话落单倾计，短暂一刻觉得好似去左当地咁😂，口味和种类虽不多，胜在环境气氛味道几正宗。▼招牌滨味 走辣 / 加煎蛋 $36串烧滨味 走辣 $32糯米饭 $30▼#招牌滨味 包含札肉、红萝卜综🥕、腌白萝卜丝、芫荽、葱丝等，再加个煎蛋，辣度都可以选择，另一款 #串烧滨味 内含串烧肉，而其他配料都一样。.面包几大份，外香脆内软，配料酱汁加起身食落酸酸甜甜，清新开胃，一个人食晒几饱，胜在唔会腻，有惊喜，前者可能有啲肥肉，个人口味来讲更喜欢后者，想食包记得早啲叫，两次太晏来无晒货。糯米饭微辣，配料有札肉丝、肉松、鹌鹑蛋、葱花和花生碎等，糯米饭同平时屋企煲既差不多，口感软糯，外卖番去仲暖暖地，加左一系列越式配料，每啖都足味，综合味道更丰富，第一次试越式糯米饭几得意。