六記粥麵

营业中

休息中

最近又黎多次澳门， 真系一有机会就会过黎六记食水蟹粥。 因为黎到都成七点半，所要同人搭枱。 呢度D野价钱相对其他连锁都真系算平民 先来$80的一碗<<水蟹粥>>。虽然系叫做一碗，但最适合两个人食，可以分到4-5碗小碗。水蟹粥食咁多次都冇令我失望，粥够绵又够鲜。蟹既分量够多，最紧要系粥一定够热。 <<鲮鱼球捞面>>$30,， 四大粒鲮鱼球弹弹的，加上葱花，捞埋食都几香。捞面系呢度出名既竹升面，非常爽口弹牙。 <<虾籽捞面>>$40，虾籽真系一D都唔吝啬。捞匀佢入口真系层次丰富，爽口弹牙。 <<沙爹车仔拼盘>> $52 ，沙爹汁加上鱼旦，猪皮，鸡翼等，十分惹味。 两个人埋单$202，真系抵食啰。