影片
更多
2017-05-23
3200 浏览
本身都冇咩期待，所以就冇影到相，点知系惊喜之作，真系忍唔住分享下!行到攰攰地打算求其食餐就入左去，一行到入去已经有少少feel都算唔错，有啲似韩国餐厅喜来稀肉。最正既系我见到佢竟然系用炭火烧！！老实讲，净系呢样野已经加左分，啲风味同普通既铁板冇得比！首先，我地一行8人叫左啲沙律食左先(因为嚟得快，我地好肚饿)，都叫几唔错几开胃，啲柚子醋唔会落得太多太酸，啲份恰到好处令我地对嚟紧既野食有啲期待。因为某朋友系赌场赢左几百蚊所以加码叫左生蚝试试佢…一开始我地都闹佢做乜系呢啲地方食(内心潜台词系点解唔去酒店食！)然后见到细细粒蚝上嚟内心已经好不满…点知！！！好新鲜好甜好饱满…我个阵就好似系食神既家燕姐咁大叫好__好食！之后都好正常咁叫啲烧物食下，五花肉既肉质唔错，烧到几juicy…条烧鱼冇得顶，个老板系出面大炉帮我烧，好软滑好新鲜，啲鱼味出晒嚟。店内仲有两部飞镖机，当你等人等到闷、等到想发脾气个阵，必备良物！当然，小妹系个啲三发之中会有两支镖系地下个啲，不过成班人一齐都有啲野玩下。Overall都几好，尤其系食物水准。上次见到佢仲有烧鲍鱼不过太饱就冇试到,不过下次去到就一定会试会影番啲相上嚟！
行到攰攰地打算求其食餐就入左去，一行到入去已经有少少feel都算唔错，有啲似韩国餐厅喜来稀肉。最正既系我见到佢竟然系用炭火烧！！老实讲，净系呢样野已经加左分，啲风味同普通既铁板冇得比！
首先，我地一行8人叫左啲沙律食左先(因为嚟得快，我地好肚饿)，都叫几唔错几开胃，啲柚子醋唔会落得太多太酸，啲份恰到好处令我地对嚟紧既野食有啲期待。
因为某朋友系赌场赢左几百蚊所以加码叫左生蚝试试佢…一开始我地都闹佢做乜系呢啲地方食(内心潜台词系点解唔去酒店食！)然后见到细细粒蚝上嚟内心已经好不满…点知！！！好新鲜好甜好饱满…我个阵就好似系食神既家燕姐咁大叫好__好食！
之后都好正常咁叫啲烧物食下，五花肉既肉质唔错，烧到几juicy…条烧鱼冇得顶，个老板系出面大炉帮我烧，好软滑好新鲜，啲鱼味出晒嚟。
店内仲有两部飞镖机，当你等人等到闷、等到想发脾气个阵，必备良物！当然，小妹系个啲三发之中会有两支镖系地下个啲，不过成班人一齐都有啲野玩下。
Overall都几好，尤其系食物水准。上次见到佢仲有烧鲍鱼不过太饱就冇试到,不过下次去到就一定会试会影番啲相上嚟！
张贴