達榮魚翅湯面

营业中

休息中

食物体验今次再访氹仔嘅呢间鱼翅汤饭店，叫咗鱼翅汤饭、鱼翅捞面同鱼翅球(五件)，整体味道仍然满意。鱼翅汤加入金华火腿，味道非常浓郁，汤头有鱼翅独特嘅甘香味，真系会令人食完仲想再饮多几口，呢个汤系值得推介嘅。不过，比起几年前，鱼翅嘅份量确实少咗，可能同澳门经济有关，鱼翅依家畀人感觉系奢侈品，可能减咗份量想更易接受吧。至于鱼翅捞面呢，个捞面湿湿地嘅感觉，加埋个黑色辣酱去捞都已经好惹味。配埋鱼翅汤饮一口清香甘甜，反而鱼翅球嘅部份，就有啲鸡肋，外观似鲮鱼球，内馅鱼翅成份唔多，食落同平时炸鱼蛋冇太大分别，但胜在即叫即炸，热辣辣，呢个可以当小食试吓，不过唔算必点。服务体验服务方面，呢度真系唔错！一坐低就有位亲切嘅姐姐推介鱼翅捞面，仲解释捞面分开汤之后鱼翅会多啲，呢个贴心介绍真系加分。不过要留意价钱上捞面系比汤饭或汤面贵$18，大家可以视乎自己需要嚟点。结论整体来讲，呢间氹仔鱼翅汤饭店仍然保有一定水准，味道浓郁足料，但鱼翅份量缩水系事实。如果系想怀旧感受一下氹仔地道滋味，呢度就系唔错嘅选择。