葡韻美食店 (已搬遷) 新店位置

本来谂住去十月初五街李家菜试吓, 但系因为8点要去金光综艺馆睇演唱会, 惊一来一回嘥时间, 所以最后都系留喺氹仔揾食, 之前食过葡韵觉得唔错, 今次又去食过。 因为中下午去完牛记、文哥2间店食到好饱, 大家到晚饭时间都唔系好肚饿, 所以只系叫咗几样嘢食就算。我哋4个人坐低, 一点完菜店员就放低一篮4个面包, 啲包仲系热既, 外脆内软。 埋单睇吓张单先至知系要收钱既, 4个包20大元。