Restaurante ESCADA

营业中

休息中

去澳门一定要食一餐葡国菜，上 openrice search 到呢间餐厅，钟意呢度舒适既装潢，比起其他装修普通但价钱又差唔多既店子，坐落都舒服好多。我地早几日前已 book 位，黎到店员问我地想唔想坐露天，外面空气很好，环境又写意舒适，好多谢店员既安排。1 L Sangria：酒味调配得香浓又易入口，饮住 sangria 黎食非洲鸡好配搭。非洲鸡：因为怕辣，店员好好服务甘安排鸡和辣酱分开上。鸡肉烧过香得黎又唔会干身，保持嫩滑；非洲辣酱原来不是很辣，而且香浓野味，用左不同材料调配，好味得令我们惊喜。香煎龙利柳配柠檬汁：龙利柳大条肉厚，鱼肉又系想像唔到甘香滑，真系正到爆。马介休炒杂菜：炒得唔够镬气，呢个系普遍葡国炒菜既特色，我较喜欢中国炒菜。我地一边品尝美酒佳肴，一边享受浪漫写意既环境，一直畅谈了两个多小时。