兄弟煲

营业中

休息中

今次过嚟澳门除左食葡国菜之外，男朋友好有心机揾左呢间打边炉再加有海鲜食嘅餐厅。佢一早透过微信订位同预留海鲜，不过最后都系冇花龙刺身食，有啲可惜，不过店员极力推荐另一款西澳龙虾，于是就试一试佢，第一次食龙虾刺身又估唔到几鲜味，龙虾头都唔可以浪费，可以拣椒盐炸/煲粥，而今次我地拣左椒盐，好野味同埋都仲有好多肉食，赞！！另外仲叫左个椒盐粟米食，不过相对就失色左少少。海鲜我地仲预留左大大只嘅赖尿虾，98蚊只都好好食，啖啖肉，店员仲会帮手拆壳，好细心！！！！当然嚟得火锅店，我地都叫左个猪骨煲，里面嘅猪骨好大旧同埋份量都十足，胡椒味好重，不过见到隔离枱食花胶鸡好似仲吸引咁，下次会再试试。