影片
更多
2024-01-27
136 浏览
红8粥面 Red 8📍路氹城体育馆大马路永利皇宫地面层澳门美食一向都有唔小人介绍，今次就等我另类啲，同大家介绍一下澳门嘅酒店赌场入面有咩好食啦！要留意，以下介绍嘅食物仅供会员以「永利特选餐饮礼券」换领，当然有啲可能都会喺主餐牌度叫到嚟食，但主要都系纯粹作分享，价钱都系俾大家参考下㗎喳！今次要同大家分享嘅，系永利皇宫赌场入面一间叫红8粥面嘅餐厅。去过赌场嘅都知里面24小时都好光，根本分唔到日同夜，少啲定力嘅赌徒都好容易赌到天昏地暗。至于我哋呢入到去就梗系唔会赌啦，姨妈同姨丈带我同朋友入去赌场食宵夜，估唔到凌晨一点几都仲会座无虚席，真系大开眼界！ 💰$68咖哩鱼蛋墨鱼烧卖配肠粉 🥘Curry Fish Balls & Siu Mai w/ Rice Rolls首先要同大家介绍嘅就梗系呢碟咁大碟嘅肠粉啦。咖喱鱼蛋同墨鱼烧卖各有四粒，粒粒都劲大粒同弹牙，中间堆砌住两层肠粉，虽然睇落好似街头小食嘅猪肠粉，但质感其实同饮茶食嘅叉烧肠啊、虾肠啊系同一种类，属于口感比较厚嘅肠粉。我觉得比较特别嘅，就系佢嘅烧卖系用墨鱼做嘅，有别于一般常见嘅猪肉、鲜虾或者香菇烧卖，所以佢嘅质感比较弹，亦会多咗一重墨鱼嘅香
📍路氹城体育馆大马路永利皇宫地面层
澳门美食一向都有唔小人介绍，今次就等我另类啲，同大家介绍一下澳门嘅酒店赌场入面有咩好食啦！要留意，以下介绍嘅食物仅供会员以「永利特选餐饮礼券」换领，当然有啲可能都会喺主餐牌度叫到嚟食，但主要都系纯粹作分享，价钱都系俾大家参考下㗎喳！
今次要同大家分享嘅，系永利皇宫赌场入面一间叫红8粥面嘅餐厅。去过赌场嘅都知里面24小时都好光，根本分唔到日同夜，少啲定力嘅赌徒都好容易赌到天昏地暗。至于我哋呢入到去就梗系唔会赌啦，姨妈同姨丈带我同朋友入去赌场食宵夜，估唔到凌晨一点几都仲会座无虚席，真系大开眼界！
[价钱 Price]
💰$68
咖哩鱼蛋墨鱼烧卖配肠粉 🥘
Curry Fish Balls & Siu Mai w/ Rice Rolls
首先要同大家介绍嘅就梗系呢碟咁大碟嘅肠粉啦。咖喱鱼蛋同墨鱼烧卖各有四粒，粒粒都劲大粒同弹牙，中间堆砌住两层肠粉，虽然睇落好似街头小食嘅猪肠粉，但质感其实同饮茶食嘅叉烧肠啊、虾肠啊系同一种类，属于口感比较厚嘅肠粉。
我觉得比较特别嘅，就系佢嘅烧卖系用墨鱼做嘅，有别于一般常见嘅猪肉、鲜虾或者香菇烧卖，所以佢嘅质感比较弹，亦会多咗一重墨鱼嘅香味。
[价钱 Price]
💰$68
香脆炸鸡配意粉沙律 🐓
Fried Chicken w/ Pasta Salad
朋友就拣咗呢款炸鸡意粉沙律，其实佢有三样嘢嘅，就系炸鸡、意粉沙律同沙律菜。炸鸡食落嘅口感有少少似翻叮，应该即叫即炸，所以只系微微温热，外皮都唔系脆嘅，但系都有好处嘅，就系无咁热气。意粉沙律系用螺丝粉、蕃茄仔同火腿片整成，味道正常。沙律菜都系普普通通，无咩特别。
[价钱 Price]
💰$68
蚝仔肉碎粥 🥣
Baby Oyster & Minced Pork Congee
比较有惊喜嘅其中一款就系蚝仔肉碎粥，睇相都见到啲蚝仔只只都非常饱满，肉碎量都好多，而且真系做到潮州粥嘅𠮶种质感，加少少香葱同芫荽，好快就俾我哋食晒！
[价钱 Price]
💰$68
芝士餐肉辛辣面 🍜
Cheese & Luncheon Meat Noodles
放到最后介绍嘅就系貌似普通嘅辛辣面，估唔到佢哋整嘅辛辣面会咁出色！加入芝士同餐肉呢啲简单嘅食材，将平民食物化成堪称完美嘅宵夜！佢嘅餐肉切得好厚身，煎得非常干身脆口，半溶嘅芝士同辛辣面嘅辣非常夹。虽然以前食辛辣面嘅时候都会自己落片芝士落去，但唔知点解呢度出嚟嘅组合系会咁好食，面质亦系我钟意嘅，唔会太淋身，邪恶宵夜入面我最推介呢款！
张贴
