星滙餐廳

营业中

休息中

去澳门住2日，最后一晚唔想去咁远食，所以去食朋友介绍的新濠影汇餐厅自助晚餐。我哋喺app 买会平少少。食物方面刺身有几款都系鱼，我唔食鱼，所以无食过。寿司种类都多，不过啲寿司饭好酸，我点完鼓油都觉得好酸。我钟意食蟹，而我好怕有时啲蟹脚好咸，但呢到啲蟹脚就啱啱好，唔会太咸，所以我都食左好多。另外最回本嘅龙虾，每次只岀一个口味，龙虾多肉几好食。烧肉皮好脆，唔会太咸，不过肥膏就多左啲。当晚俾到惊喜嘅竟然系即煮嘅海鲜粥，我只系拣左干瑶柱、虾、粟米同咸蛋，碗粥热辣辣好鲜味，佢另加嘅油炸鬼好脆，连朋友都话正！呢到嘅自助餐性价比一般，但当晚唔多人，食得好舒服，基本任何嘢食我都无排过队。另外职员非常有礼貌要赞一赞。