木偶葡國餐廳

营业中

休息中

回顾返上两个星期，小妹同朋友一齐去澳门一日游，朋友仔请食晚饭，本身想去 婆仔屋 但因为无订位又赶船，就去返最熟悉嘅官也街嘅其中一间餐厅—木偶葡国餐厅🎪.🐖葡式烧乳猪 嚟到澳门点可以唔试吓个葡式烧乳猪呢？虽然佢份量唔多，但系绝对够食，外皮烧得香脆可口，肥肉比例都唔错，不过味道就比较咸少少🤏.🍅蕃茄焗猪扒饭冇错，我喺澳门食焗猪扒饭，但系唔好睇小呢一个焗猪扒饭，我觉得系好好食🤩😱好食过香港茶餐厅以及快餐店😍 蕃茄汁混入咗葡式嘅口味，比较香浓，猪扒亦都唔会好难咬开，个饭底仲要系炒饭底，识食之人一定知道焗猪扒饭最重要就系个炒饭底😎，呢一个真系冇得弹，上枱嘅时候仲要系热辣辣😍好好味.🍗非洲鸡其实非洲鸡即系用香料包住只鸡去烤，如果食唔到辣嘅话，可能未必食到，佢咁啱俾咗鸡髀同埋鸡翼我哋，我唔知道系咪每一碟都系鸡髀同鸡翼，但系啖啖肉加啖啖香料十分之野味，不过未必每个人都钟意食咁浓香料同辣既𩠌，所以我都见比较少人叫，但系整体嚟讲都比较有特色，同埋都系野味嘅𩠌菜.📝整体嚟讲，座位宽阔坐得阔落，如果有老人家或者行动不便人士绝对冇问题，呢一度适合一家大细嚟食饭或者同朋友庆祝生日，但系味道偏浓，淡味人士唔系咁适合