影片
更多
2011-05-30
1064 浏览
3月20日, 食完早餐~ 话咁快又要赶到下一站, 食我地此行最期待之一嘅缅甸面! 早喺前几次嚟澳门已经想试~ 奈何因为地点唔太就脚次次临尾作罢, 今次终于有机会一试喇!::: 炸春卷 x2 ::: $7@唔系好暖, 有少少冻, 所以个炸皮唔系好脆, 部份仲有d淋… 味道比一般嘅淡, 可能d料本身味道唔够, 比较斋…::: 炸咖哩角 x2 ::: $7@今次呢个咖哩角终于似番我地平时食开𠮶只咖哩角~ 不过呢度𠮶d都系偏大只同饱满! d咖哩角都炸得够香脆~ 惹味得嚟唔算太辣, 都几好味!::: 椰汁鸡面 ::: $17呢个椰汁鸡面同我之前食过嘅有d唔同~ 呢个个汁杰好多, 食落有d似捞面! 椰汁比例亦相对地多, 味道好浓郁, 加埋d质地索汁嘅油面, 好thick好好食! d鸡肉炆到淋晒, 有d似食紧个唔辣嘅咖哩鸡咁~ 仲有d油炸鬼, 索晒d椰汁变到烟烟韧韧咁好得意~ ::: 鱼汤粉 ::: $17d河粉滑得嚟又碎碎地, 好易就o雪一声吞咗! 由于d鱼肉已经熬到溶晒落个汤度, 所以个汤底都系比较杰身, 咬下咬下又会食到一旧旧鱼肉碎. 鱼汤无腥味, 而且无乜鱼骨, 连唔食鱼嘅呀菲都啱食~ 仲有
::: 炸春卷 x2 ::: $7@
唔系好暖, 有少少冻, 所以个炸皮唔系好脆, 部份仲有d淋… 味道比一般嘅淡, 可能d料本身味道唔够, 比较斋…
::: 炸咖哩角 x2 ::: $7@
今次呢个咖哩角终于似番我地平时食开𠮶只咖哩角~ 不过呢度𠮶d都系偏大只同饱满! d咖哩角都炸得够香脆~ 惹味得嚟唔算太辣, 都几好味!
::: 椰汁鸡面 ::: $17
呢个椰汁鸡面同我之前食过嘅有d唔同~ 呢个个汁杰好多, 食落有d似捞面! 椰汁比例亦相对地多, 味道好浓郁, 加埋d质地索汁嘅油面, 好thick好好食! d鸡肉炆到淋晒, 有d似食紧个唔辣嘅咖哩鸡咁~ 仲有d油炸鬼, 索晒d椰汁变到烟烟韧韧咁好得意~
::: 鱼汤粉 ::: $17
d河粉滑得嚟又碎碎地, 好易就o雪一声吞咗! 由于d鱼肉已经熬到溶晒落个汤度, 所以个汤底都系比较杰身, 咬下咬下又会食到一旧旧鱼肉碎. 鱼汤无腥味, 而且无乜鱼骨, 连唔食鱼嘅呀菲都啱食~ 仲有面头一大块薄脆, 点下汤食又增添口感~ 但若然同其他地方嘅鱼汤粉比, 呢度个鱼汤就略欠清甜, 争少少…
::: 缅甸捞面 (冷食) ::: $17
都系一个油面底, 有d炸蒜、肉松、洋葱丝、花生碎、芫茜同旧好似喺咖哩鸡度捞过嚟嘅薯仔~ 调味汁都喺晒碗底, 捞匀之后味道咸香有趣, 都几特别!
随面更附上鱼汤一小碗~ 不过净饮鱼汤味道就一般般…
::: 马拉盏捞面 ::: $19
马拉盏捞面系好plain嘅油面底加上大量马拉盏! 马拉盏脆卜卜好香口, 油面烟韧带淋, 两者质地交错口感丰富~ 都系特式之选!
::: 生菜/菜芯 :::
食咗咁多样淀粉质, 都叫番两个菜平均下~ 一碟生菜一碟菜芯, 正正常常都无乜特别好讲~
::: 原味豆浆/紫米香豆浆/白果腐竹薏米水 :::
饮品方面除咗普通豆浆外仲有紫米香豆浆同白果腐竹薏米水呢d特别野~ 豆浆们都好香豆味, 甜度适中,其中紫米豆浆比普通豆浆多咗一份米味, 味道更少甜, 好似健康d~ 白果腐竹薏米水d腐竹煲到全溶, 属浓杰质地, 微甜带豆香, 仲几饱肚!
真不枉我地特登搭咗个的士嚟食! 细心d其实地点唔难揾, 只系佢缩咗入一栋大厦里面~ 可能系假日, 不论游客以至本地学生都好多~ 缅甸食物果然够特式, 味道亦容易接受! 香港比较少呢类菜式, 所以有机会去澳门真系不容错过!
张贴
