影片
更多
2011-05-24
2585 浏览
3月19日, 行到差唔多6点半, 又系时候去食晚饭~ 友人一早book咗呢间新益, 佢地食过话好食之外, 仲话佢地嘅菜色好有新意, 极力推介~ 事前都有睇过佢嘅介绍, 原来佢地嘅老细肥仔侠好出名, 有电视节目介绍过, d菜色名叫仲改到鬼五马六, 所以我地都抱有期望~ 不过地点唔系喺市中心, 要揾有一定难度, 所以我地都系搭的士去.::: 盐焗桑拿虾 ::: $1xx呢一个桑拿虾来头应该不少, 喺餐牌上系见唔到呢一道菜, 所以我地都唔知价钱~ 由于d虾要预先灌醉, 友人又系喺book枱嘅时候已经预订埋, 我地嚟到已经见到呢一盘生虾享受紧酒精浴~ 一打开煲盖有超浓烈嘅酒味, 闻落似花雕~ 喺煲里面仲有好大堆粗盐, 应该系再调味用~ 当然唔系就咁生食啦, 烹调嘅责任就落喺肥仔侠度, 哗有老细亲自出马! 肥仔侠先攞一个大汤煲, 里面系烧到火红嘅石头, 打开煲盖将所有虾呀酒呀, 盐呀倒晒入去~ 再盖番, 肥仔侠老细话要系咁焗住d虾, 咁样先可以吸收晒挥发咗嘅酒精, 火红嘅石头再将虾庆熟~讲完烹调过程, d虾大约焗十分钟就可以食~ 份量唔少, 都有20只, 只只都超热~ 虾头好大, 但系就冇乜膏,
::: 盐焗桑拿虾 ::: $1xx
呢一个桑拿虾来头应该不少, 喺餐牌上系见唔到呢一道菜, 所以我地都唔知价钱~ 由于d虾要预先灌醉, 友人又系喺book枱嘅时候已经预订埋, 我地嚟到已经见到呢一盘生虾享受紧酒精浴~ 一打开煲盖有超浓烈嘅酒味, 闻落似花雕~ 喺煲里面仲有好大堆粗盐, 应该系再调味用~ 当然唔系就咁生食啦, 烹调嘅责任就落喺肥仔侠度, 哗有老细亲自出马! 肥仔侠先攞一个大汤煲, 里面系烧到火红嘅石头, 打开煲盖将所有虾呀酒呀, 盐呀倒晒入去~ 再盖番, 肥仔侠老细话要系咁焗住d虾, 咁样先可以吸收晒挥发咗嘅酒精, 火红嘅石头再将虾庆熟~
讲完烹调过程, d虾大约焗十分钟就可以食~ 份量唔少, 都有20只, 只只都超热~ 虾头好大, 但系就冇乜膏, 虾嘅味道好鲜, 肉地比白灼虾稍为实咗dd, 而粗盐都好吊起肉嘅鲜味, 增添一份咸感~ 不过唔小心就会成粒粗盐放入口, 都咪话唔咸… 但系酒味较为逊色, 唔系好食到虾肉有酒味, 呢一点作为醉虾嘅精髓就失色咗d… 不过呢度菜又要预订同埋某d钟数后唔会再做, 加上有肥仔侠亲自出手, 绝对系够晒gimmick!
::: 牛气冲天 ::: $58
睇名都知道同牛有关, 原来冲天嘅意思系成个煲系咁喷烟出嚟! d烟直头攻鼻, 好呛! 完全feel到自己变咗部抽油烟机! 狂吸咗好多油烟入个肺度! 我地坐喺室内, 好彩有个小小嘅抽气扇, 如果唔系一定会焗死~ 讲番正题, 呢个其实系黑椒牛柳粒, 味就够晒浓, 捞饭就几好, 就咁食个黑椒汁都几咸, 牛柳就ok咁啦, 唔会好韧, 虽然黑椒汁抢咗唔少味, 不过都仲食到有少少肉味. 配菜如洋葱, 蒜就真系太咸食唔到…
::: 煲盖一开 好味自然来 …沙窝通菜 ::: $48
菜名太长, 都唔记得… 即系沙窝通菜啦~ 同牛气冲天一样都系喷晒烟嘅煲仔菜, 又一次烟雾弥漫… 呢个通菜味道反而几好, 好香蒜茸味, 落埋少少椒丝有少少辣就更加惹味~ 茎同叶份量比例均匀, 咬落都几鲜嫩~ 只有小部份唔太新鲜, 不过可以接受~
::: 招牌酿鸳鸯吉列猪扒 ::: $68
鸳鸯吉列猪扒有2大块, 其实系喺吉列猪扒入面分别夹入芝士火腿同黑椒~ 黑椒𠮶面味道唔太重, 只有少少黑椒味, 好在猪扒炸出嚟都好香脆, 炸粉唔太厚而且好脆口, 而猪扒本身都肉地嫩滑, 有少少筋但系唔韧~ 芝士火腿𠮶面就几好食, 芝士加猪扒好夹, 仲可睇住d芝士漏出嚟添~ 火腿就有d多咗, 本身猪扒口感已经盖住𠮶块薄薄嘅火腿, 完全都感觉唔到火腿嘅存在… $68两块吉列猪扒有点儿贵…
::: 金银蒜蒸瓜瓜叫 ::: $38
呢个菜名就易明d, 系蒜蒸南瓜, 茄瓜同娃娃菜~ 呢个终于比较正常, 又唔会烟雾弥漫~ 南瓜好好食! 蒸得好淋之余, 加埋面头𠮶d蒜一齐食, 清得嚟又有蒜香~ 可能之前食嘅菜都好浓味, 呢个可以冲冲个口冇咁油腻~ 茄瓜就唔够南瓜咁淋, 不过味道都几好~ 娃娃菜都几好~
友人果然系无介绍错, 我地食完走𠮶阵出面都有好多人等位, 几个舖位都坐满人! 如果坐喺地下大厅就应该冇咁大烟, 所以下次有机会食, 千祈咪拣𠮶个楼上阁仔… 食到成身油烟, 并不好受… 总括食物无论名字, 做法都几有创意, 做出嚟嘅𩠌菜味道就有d见人见智~ 嚟澳门咁多次都唔知呢间野咁出名, 未试过都值得一试, 不过就最好多d人, 叫多几样𩠌嘛~
张贴
