公雞葡國餐廳

营业中

休息中

来到澳门一定会去大三巴走一转，行返落嚟议事亭前地已经差不多黄昏时间，早早地揾地方食嘢唔使同人逼，过咗马路喺对面斜路行上一分钟便会找到公鸡这间葡国菜餐厅。到了晚上7时许，餐厅差不多坐满了。店内装修好有特色，很别致，周围放满各种公鸡摆设，墙上可以看到许多葡式磁砖。有些角落嘅枱都很适合畅饮谈天。点了两个汤，香浓虾汤及甜甜南瓜汤，跟暖暖的软软猪仔包上。马介休球，马介休唔会好咸，配薯蓉炸戍马介休球，十分香口。葡国菜一定唔少得葡国鸡，汁好香，鸡件好大块，入味唔嚡口，好啱小朋友食。葡式焗乳猪，呢个推介一定要试，例牌都有六至七件，热辣辣，皮脆肉香，完全同一般广东烧乳猪唔一样，皮是薄一点，脆口一点。葡肠炒杂菌，热腾腾上枱，炒得好香口。肠仔虾仁辣意粉，这个食落比较辣，虾仁爽口弹牙。点咗两杯饮品，苹果汁及柑桔柠檬，卖相都好吸引。一家三口食到饱饱，大家都好满意这餐葡国菜，质素算上品。