不是葡撻 (已結業)

澳门嘅食物真系多不胜数，而且经常都有新血。今次呢间不是葡挞都系第一次试，舗头喺大马路附近嘅清平街，好易揾。舖头门面同内部都好细，系外卖手信及小食店嘅经营模式。我哋试咗硬皮芝士挞同软皮年轮葡挞。店员细心地提醒我哋食硬皮芝士挞时要托住个底，因为好易甩出嚟。芝士挞食落去基本上就同流心芝士挞一样味。一样系有芝士流出，一样系曲奇皮，唯一唔同嘅系个曲奇皮硬少少，硬嘅外皮加上软心芝士，两重口感对比强烈。另外一只系软皮年轮葡挞，外皮系年轮蛋糕，入面系葡挞蛋浆。淡淡嘅葡挞味，甜甜地，但就将酥皮换成年轮蛋糕。个人觉得始终系葡挞蛋味浓d，而且一般葡挞上嘅焦糖味提升咗整体嘅香气同味道。下次再有机会，会试下硬皮葡挞。