義順鮮奶

营业中

休息中

位于新马路，由”柠檬车露"行过黎大约8分钟（500米） ，而喷水池个间义顺己经执左。应该都有5年无帮衬过义顺，加价加得太离谱，而家双皮奶卖到＄27蚊一碗，傻的吗？入到店，店员无乜礼貌都好平常（出哂名）。听其他食客D对话，应该全店清一色系旅客帮衬。冻双皮奶（＄27）一入口，奶味超浓无得输，不枉佢标榜有专属畜牧场！至于质地，滑唔滑一睇就知，劲鞋口，凹凸纹超劲，有图有真相，似乎系火喉或者时间控制得唔好，而且明显无双皮，莫讲话澳牛，相信元朗求其一间甜品店D炖奶都滑过佢。整体而言只可以话系奶味搭够而仅仅合格，卖27蚊实在太不值，相信未来5年亦唔会再黎食。如果因为奶味而帮衬，不如返屋企饮北海道 3.6好过，买一大盒都唔洗27蚊。