影片
更多
2012-01-03
1724 浏览
新年新开始，梗系食餐好，要介绍既系澳门都几隐世既雄裕老地方。睇网上食评同资料就唔太多有介绍过，现场去到亦都以澳门本地人食饭为多。以食煲为主，鸡煲、水鱼煲、蟹煲、海鲜煲咩煲都有，亦有不少海鲜及小炒供应﹗价钱相当大众化，起码平大马路附近的食店接近一倍﹗门口堆满各式各样的贝壳类，大家都知我是贝壳lover，系贝都钟意食，未食饭在门口已知呢间野岩哂我﹗店子少少分两个铺，大排档小店格局，全无装修可言﹗呢晚8:30pm左右来到，岩岩有张吉枱即时入座，迟多十五分钟都要在门口等位，真系好彩﹗青岛$12支，饮得几多叫几多﹗见到有此店自家酿的糯米酒出售，很想试试但有了圣诞的断片事件后，内心挣扎下还是谨慎一点比较好﹗来这儿就是为了这个泰式冬荫公花甲蟹煲﹗足料非常，有水蟹两只、大头虾十数只、花甲都有大半斤，另加大量杂菇、杂菜等﹗我同食家最爱系佢个汤底，冬荫公汤头鲜带微辣，配海鲜味道很夹，食落样样都新鲜﹗大大煲我地四个人食岩岩好﹗最重要系价钱，呢个汤底令人惊讶地只系$200，咁重料都咁抵真系令人吃得格外开心呢﹗大头虾虽不是什么贵货色，不过食起上来只只有膏，肉又弹牙，好味道﹗见个煲咁平梗系唔介意叫多几样食饭啦﹗豪
睇网上食评同资料就唔太多有介绍过，现场去到亦都以澳门本地人食饭为多。
以食煲为主，鸡煲、水鱼煲、蟹煲、海鲜煲咩煲都有，亦有不少海鲜及小炒供应﹗
价钱相当大众化，起码平大马路附近的食店接近一倍﹗
门口堆满各式各样的贝壳类，大家都知我是贝壳lover，系贝都钟意食，未食饭在门口已知呢间野岩哂我﹗店子少少分两个铺，大排档小店格局，全无装修可言﹗
呢晚8:30pm左右来到，岩岩有张吉枱即时入座，迟多十五分钟都要在门口等位，真系好彩﹗
青岛$12支，饮得几多叫几多﹗
见到有此店自家酿的糯米酒出售，很想试试但有了圣诞的断片事件后，内心挣扎下还是谨慎一点比较好﹗
来这儿就是为了这个泰式冬荫公花甲蟹煲﹗足料非常，有水蟹两只、大头虾十数只、花甲都有大半斤，另加大量杂菇、杂菜等﹗
我同食家最爱系佢个汤底，冬荫公汤头鲜带微辣，配海鲜味道很夹，食落样样都新鲜﹗大大煲我地四个人食岩岩好﹗最重要系价钱，呢个汤底令人惊讶地只系$200，咁重料都咁抵真系令人吃得格外开心呢﹗
大头虾虽不是什么贵货色，不过食起上来只只有膏，肉又弹牙，好味道﹗
见个煲咁平梗系唔介意叫多几样食饭啦﹗豪情地㓥番只游水墨鱼先﹗
游水墨鱼在香港食要十几廿蚊两，呢度只系$8，呢只10两，轻灼一阵弹牙软糯，真的啖啖墨鱼香呢﹗
花螺在香港边度舍得食，在食店成$200几一斤，试过在街市买也要$130﹗反而呢度只卖$120斤，呢碟系例牌的辣酒煮花螺，只系$80，份量也不少呢﹗
花螺味浓，烟韧充满嚼劲，汁未算好辣不过胜在唔会呛左螺味﹗
实在太好食，顶唔顺之下都系要再叫多碟白灼的﹗$80﹗原汁原味，蘸辣椒酱真系一流﹗
不是容易吃到的角螺，呢度都有得买﹗浓浓的海水味，Yummy，我地又食左两碟﹗
澳门打边炉好钟意食呢度面根，睇落有尐似我地吃开的生根﹗
事实上佢厚生根好几倍，吸汤能力自然高几倍，挂上已满是海鲜精华既汤汁，正.....................我吃了六粒﹗呵呵﹗
最后来个浓汤豆苗，满足哂﹗这间隐世小店味道真不错，我地加多个乌冬，再加十支青岛，埋单一人两百蚊都唔洗，极抵食呢﹗
地点在关闸，新马路去我估$40的士，我地一行人在最远的黑沙湾沙滩搭去是$120，不难找就在车站附近呢﹗
题外话/补充资料：
澳门于1/1/2012开始全面室内禁烟，大家心照﹗
(以上食记乃用户个人意见 , 并不代表OpenRice之观点。)
张贴
