譚家魚翅

营业中

休息中

去澳门食鱼翅，最主要我系钟意佢个汤，杰身得好紧要，又浓味，又香，鱼翅反而唔系我主菜~其实系有想过去另一间出名瓦煲鱼翅嘅，但系……可惜去到已经无晒，得返碗仔翅或者稀汤底嘅翅，所以最后都去返谭家，但系今次就去另一间~~呢间近大马路，系罐头博物馆附近~~价钱好大众化，几十蚊，唔系好贵~~另外重可以买急冻咗嘅返香港或者内地，唔错。有好多款可以拣，有鱼翅、鲍鱼、卤水、花胶……返到去都可以品尝到香浓美味石窝中鲍翅 - 经过上次经验，知道石窝中饱翅系比较杰身同浓味，所以我当然唔需要考虑就点呢个，同上次一样，我觉我好够味，呢个如果唔太钟意浓味嘅人会觉得好咸，咁你可以试吓花胶海参中饱翅，呢个会比呢个淡口今次我地唔再一人一碗饭，我地决定share一碗就算，因为我地重要去食其他嘢，唔好食太饱，但系唔食饭又会太咸蹄根中鲍翅 - 蹄根者系猪脚根，其实应该会系可以炖到好淋，但系呢个系硬的……所以我呢啲无牙咬嘅人唔会食，大少都觉得好硬，同埋个汤佢觉得都系淡口少少，系我𠮶个咁咸