肥仔文美食

营业中

休息中

原本嚟到澳门都无谂住食粤菜，但喺见好多人都推介，所以今次就嚟试下「肥仔文美食」。酥炸鲮鱼球（8球）呢碟炸鲮鱼球真心推荐俾大家，因为真喺好好食🤤🤤。新鲜炸起非常热辣辣，表面好香脆，内层又软绵绵，又有鱼肉嘅弹牙，拎嚟送酒就一流。椒盐栗米（辣）见隔离枱有点到呢碟，所以就叫咗嚟食。只可以讲唔食得辣嘅未必顶得顺，因为真喺好辣。但其实味道嚟讲喺好食嘅，有避风塘嘅味道，栗米又鲜甜多汁。生菜鸭丝粥呢碗粥就非常好食，粥底够绵，食落会有清甜味，食得出唔喺味精味嚟，因为食完条脷无擦十十。生菜切到好细，每一啖都食到生菜丝同鸭丝，所以啖啖都好和味。