贏到粥

营业中

休息中

每个过澳门玩嘅朋友都一定听过呢间餐厅，就系大名鼎鼎嘅赢到粥。试过胆粗粗直接walk in，当然系无位啦。于是今次早一个星期上Facebook book位，终于book到了。温馨提示：大家book位嘅时候可以留定手撕鸡同埋卜卜蚬，咁就一定有得食。两个人去无叫太多野食，叫咗一碟手撕鸡同一窝卜卜蚬，另外叫咗少少配菜食卜卜蚬嘅汤底。卜卜蚬几大盘，而且蚬唔系好细只，全部都有中上嘅size。面头有好多蒜粒。过咗几分钟，蚬肉开始熟，主要都系由中间嘅开始食起。汤底其实冇好多调味，主要都系食蚬肉嘅鲜味再加上蒜蓉嘅香味。唔错嘅系每一粒蚬都会食到蒜蓉，啱晒钟意食蒜蓉嘅朋友。手撕鸡亦都好快上菜，鸡嘅份量有半只，Wasabi嘅味道好浓，而且有其他嘅配菜，所以食落好有口感。每啖都食到wasabi嘅香浓，喺食卜卜蚬嘅同时加上一份清新。