義順鮮奶

营业中

休息中

行程最后一站喺到议事亭前地，因为澳门搞咗个荷花节「荷花乐满城」，晌澳门唔同地方摆设咗以莲花为题嘅花展，㖊日晌龙环葡韵影咗一轮，今日再嚟议事亭前地影多转。行咗半日，相又影完，经过义顺就帮衬吓食个下午茶，因为老婆食完晏昼𠮶餐都仲饱紧，所以我哋3个人叫两个糖水一齐食，志在满足吓贪食嘅欲念。冻双皮奶 MOP22面头泛起一层薄薄皱皱嘅炖奶奶皮，不过食到底下，就唔喺好觉有第二朕奶皮，因为做到底面有两层奶皮，表示先后炖过两次，炖奶自不然较为浓郁重奶香。不过，依回嘅双皮奶奶味不俗，唔过甜，又滑溜，仍然喺有水准之作！冻红豆炖蛋 MOP20冰花炖蛋又喺义顺另一名物，试完奶香重嘅双皮奶，轮到依个以蛋味浓为卖点嘅炖蛋。蛋味未叫得强劲，但食落一朕清甜，放入口「嗗咯」应声滑入喉咙；而红豆落得一啲无手软，一大「pat」堆满碗面，味道清香又软腍，老婆最钟意食红豆，佢就对个红豆炖蛋赞不绝口。食埋个甜品下午茶，有个完满作结，又喺时候揾穿梭巴士返酒店，收拾行装搭放船返香港。