影片
更多
2016-03-17
5652 浏览
友人之前试过卡邦尼意粉激赞, 话有得睇有得食. 所以今次带我再黎.由于时间尚早, 人流唔算多, 7:00PM之后才繁忙, 但服务好好.餐前面包: 有三款, 而且仲有我喜欢的榄油同醋用来点面包食.旁边二款饼干, 一款是薄脆身好多香草好浓味, 一款是硬饼干条.中间的是松软微暖面包, 有蕃茄同橄榄, 而且份量大, 食完都半饱, 所以冇食哂.由于冇免费水提供, 可以叫矿泉水, 所以我们拣选无酒精鸡尾酒.日出威尼斯(左) $65 :底层系草莓同蔓越莓打成汁, 上层系蜜桃蓉. 拌匀饮好易入口, 酸酸甜甜好清新开胃, 最岩配油腻食物.热带风情(右)$65 :果然有热带风情, 味道好丰富, 有芒果, 乳酪同香蕉既果甜奶香味, 带少少菠萝味. 好滑身好好饮.班尼特色前菜拼盘 ($198):原来超大盘, 有8款前菜. 食完已经好饱, 所以其实岩3-4人.蔬菜焗鸡蛋 - 暖暖地, 鸡蛋焗得好嫩滑, 食落似蛋批, 味道好香好好食.意大利香肠 - 开半煎香, 比较油腻, 但肉汁好又好咬, 啖啖肉.鲜蕃茄多士 - 鲜蕃茄经榄油同醋调味放上多士, 多士脆口与蕃茄嫩淋, 呢个组合好夹.酿乳猪仔 - 一片薄薄烧五花肉,
由于时间尚早, 人流唔算多, 7:00PM之后才繁忙, 但服务好好.
餐前面包: 有三款, 而且仲有我喜欢的榄油同醋用来点面包食.旁边二款饼干, 一款是薄脆身好多香草好浓味, 一款是硬饼干条.
中间的是松软微暖面包, 有蕃茄同橄榄, 而且份量大, 食完都半饱, 所以冇食哂.
由于冇免费水提供, 可以叫矿泉水, 所以我们拣选无酒精鸡尾酒.日出威尼斯(左) $65 :
底层系草莓同蔓越莓打成汁, 上层系蜜桃蓉. 拌匀饮好易入口, 酸酸甜甜好清新开胃, 最岩配油腻食物.
热带风情(右)$65 :
果然有热带风情, 味道好丰富, 有芒果, 乳酪同香蕉既果甜奶香味, 带少少菠萝味. 好滑身好好饮.
班尼特色前菜拼盘 ($198):原来超大盘, 有8款前菜. 食完已经好饱, 所以其实岩3-4人.
蔬菜焗鸡蛋 - 暖暖地, 鸡蛋焗得好嫩滑, 食落似蛋批, 味道好香好好食.
意大利香肠 - 开半煎香, 比较油腻, 但肉汁好又好咬, 啖啖肉.
鲜蕃茄多士 - 鲜蕃茄经榄油同醋调味放上多士, 多士脆口与蕃茄嫩淋, 呢个组合好夹.
酿乳猪仔 - 一片薄薄烧五花肉, 太肥腻又太薄身, 唔脆唔淋, 麻麻地.
烤田园蔬菜 - 中间的蔬菜沙律新鲜爽脆, 上部的炸瓜类都唔错, 只系黄色瓜超级苦, 食唔惯.
蕃茄伴水牛芝士 - 简单好味, 有少少榄油, 蕃茄鲜嫩水牛芝士软滑, 清淡好味.
露烟肉卷 - 普通味道.
鸡肉串烧 - 烧得唔干, 肉质柔软.
烟肉香浓芝士意粉 ($158) :主角黎啦, 服务员会推一大个硬芝士出黎, 意粉已放在大芝士上, 服务员系客人面前拌芝士意粉, 上碟给客人.
意粉热力溶化芝士, 意粉挂上超多香浓芝士, 浓度好杰身.
意粉有多款选择, 香浓酱汁可以拣长身的意粉, 如意大利面/阔面/偏意粉.....
我们选偏意粉, 可以挂多d酱汁.
意粉煮得唔够硬身, 幸好无淋哂. 挂上超多芝士汁, 好香好浓郁芝士味, 带有烟肉油香.每啖都系芝士同意粉, 好满足. 不过食完都好腻.
即场做会员有8折. 服务好好, 有礼貌又贴心. 上菜速度会留意客人进食速度.总括, 虽然价钱微贵, 但食物质素及服务水准都好好. 环境安静灯光有情调.
张贴
