影片
更多
2012-08-21
1151 浏览
作为是次「懒懒hea游澳门」之旅嘅最后行程，最后一站就系嚟嘉路米耶圆形地，咩地方？咪即系有小缅甸之称嘅三盏灯啰，因为附近缅甸华侨多，实际应该四盏灯先啱，三细一大嘅波灯嚟架。其实过嚟三盏灯行，都系搭单，主要都系晌上船前食多餐先返香港，目的地就系「雅香粉面咖啡」，点知嚟到刚闩门，就去佢隔离无几远嘅姊妹店「雅馨缅甸餐厅」，不过有心帮衬都宜早，店家收7:30pm。（题外话，佢哋仲有一间分店晌妈阁𠮶边，叫「雅香咖啡甸餐厅」，好似将两间店个名夹埋咁。）内里环境比较「屈质」，但因为时间尚早，人客唔算多，顺利揾到位之余，亦唔算太过逼狭。由于早已谂定食乜，睇睇餐牌都只系想望望仲会唔会有咩特别嘢食。紫米香豆浆 MOP10刚啱睇到一版「特别推介」，紫米香豆浆、香滑鲜豆浆、营区乌豆浆、白果腐竹意米水，支支10蚊，就叫咗一支紫米香豆浆。色泽深紫色，紫米味颇浓，可惜盖过豆香，而且可能太真材实料喇，质感过杰，口感比较糊口，唔系太钟意。鱼汤粉MOP19系缅甸常见嘅一种粉面，我就正正坐晒拍墙位，睇住墙上剪报嘅介绍：将塘虱鱼烚汤折肉，混合香茅、黑椒粉、咖喱粉、粘米粉，由于后四种材料甚燥，加上蕉树心这种寒凉物作中和，务求汤
内里环境比较「屈质」，但因为时间尚早，人客唔算多，顺利揾到位之余，亦唔算太过逼狭。由于早已谂定食乜，睇睇餐牌都只系想望望仲会唔会有咩特别嘢食。
紫米香豆浆 MOP10刚啱睇到一版「特别推介」，紫米香豆浆、香滑鲜豆浆、营区乌豆浆、白果腐竹意米水，支支10蚊，就叫咗一支紫米香豆浆。色泽深紫色，紫米味颇浓，可惜盖过豆香，而且可能太真材实料喇，质感过杰，口感比较糊口，唔系太钟意。
鱼汤粉MOP19系缅甸常见嘅一种粉面，我就正正坐晒拍墙位，睇住墙上剪报嘅介绍：将塘虱鱼烚汤折肉，混合香茅、黑椒粉、咖喱粉、粘米粉，由于后四种材料甚燥，加上蕉树心这种寒凉物作中和，务求汤底不燥不寒啱啱好。燥定寒就好难即刻知，不过个汤底味道几特别，老实讲，又唔系话好好食，但亦唔系难入口，系觉得比较油，而汤里透明一条条应该就系蕉树心，无乜味咬落爽爽咁。面头仲放有两块马豆饼，好似送粥嘅薄脆咁，都OK嘅，一试无妨。
椰汁鸡捞面MOP21除咗捞面，仲有个系放汤嘅椰汁鸡面（MOP19），当然系捞面正啦，多数人都系为个汁嚟食依个面啫。面条以油面为基本，无咗爽口弹牙，换嚟有咬口感；咖喱咁色嘅汤汁，以黄姜粉、缅甸咖喱粉为主，加上椰汁，带有浓郁椰香，稠身而不糊，香滑得嚟好挂面。虽然只系卖廿蚊碗，鸡件份量无将货就价，确系抵食！
睇佢卡片，印住「since 1978」，不愧为开业30多年，价钱相宜，俱特色又有风味，值得一访。
张贴
