壹燕糖甜品

营业中

休息中

2016圣诞节澳门之旅食完晚餐大家都想食甜品，特登在附近揾呢间评语几好嘅甜品店，在一条出名嘅福隆新街头，入内座位多，光猛干净，我哋要分开两张枱坐！甜点款式几多，落单后热糖水要等待！冻嘅就快啲！糖不甩（$25）啲丸子虽然烟韧，但都未fling干水，啲水糊咗啲花生椰丝，差！芝麻糊小丸子($32)芝麻糊又杰又甜，系甜到浆口𠮶种甜，乜嘢其他味都食唔到，又无芝麻香，丸子烟韧但都比啲芝麻糊搅到唔好味！青柠柚子梳打（$30）家姐饮！红豆沙汤丸（$32）表妹夫点嘅，水汪汪的，连红豆都无，只系淡茂茂嘅红豆水，好明显唔够卖夹硬开浠顶数，佢话未食过咁差嘅糖水！杏仁糊（$25）细姨食，佢话太甜罗汉果菊花茶（$20）冻嘅，表妹饮芒果肠粉（$25）表妹食樽仔椰子奶冻（$25）姨甥食，好味到再encore杨枝甘露紫米露（$42）肥髀食，佢话好味！好失望所有热食都唔好味，冻嘅家姐表妹佢哋话好味！咁样不如唔好卖热甜品喇！价钱唔抵食！店员勤快正常！好失望嘅芝麻糊！