影片
更多
2011-06-16
147 浏览
澳门之行第一站。一直都好有兴趣食呢到，吸引既系鹅肝金钱鸡同埋个焗乳猪饭，不过得一两个人真系唔多妥当，个焗乳猪饭就算半只都可以分到五大旧，又有好几样野想食，真系小d食力都唔掂，今次齐脚，就安排第一站黎呢到。先黎有餐前小食，个餐前小食食落香口，味道浓郁，个米盏够脆口唔油，炸得好，系几唔错既小食。平时食中餐都会有d酱，呢到放底既系xo酱，望落几唔错，当然唔系超市或者打边炉混酱果系列既货色，瑶柱够多，带点辛辣唔呛口，系唔错，不过跟我最近食到有咸鱼香既xo酱，我较为喜欢带有咸鱼味既xo酱。其实有唔少点心供应，见特别推介既系金华火腿汁小笼包，明显系平时肉汁汤变做金华火腿汁，又试试，食落少了一份油，多左一份清甜，又几好食。椒盐龙利仔系唯一点了既前菜，个味唔太特别，只有脆，叫做椒盐野不过唔太椒盐，炸野黎讲又未算香口，系很一般既一款。姜米酒蒸蟹拑，好少食蟹拑，好似桃花源果个，都好似讲左几年都未去食，今次黎到，又试试，蟹肉蒸得刚好，够鲜美，个底系蛋白，够滑无蒸到老哂，有酒香有姜味，我觉得姜味重过酒味，balance d 会好d，不过整体都真系好唔错，系值得推介既一款。鹅肝金钱鸡，系今次最想食既其中一款，小
一直都好有兴趣食呢到，吸引既系鹅肝金钱鸡同埋个焗乳猪饭，不过得一两个人真系唔多妥当，个焗乳猪饭就算半只都可以分到五大旧，又有好几样野想食，真系小d食力都唔掂，今次齐脚，就安排第一站黎呢到。
先黎有餐前小食，个餐前小食食落香口，味道浓郁，个米盏够脆口唔油，炸得好，系几唔错既小食。平时食中餐都会有d酱，呢到放底既系xo酱，望落几唔错，当然唔系超市或者打边炉混酱果系列既货色，瑶柱够多，带点辛辣唔呛口，系唔错，不过跟我最近食到有咸鱼香既xo酱，我较为喜欢带有咸鱼味既xo酱。
其实有唔少点心供应，见特别推介既系金华火腿汁小笼包，明显系平时肉汁汤变做金华火腿汁，又试试，食落少了一份油，多左一份清甜，又几好食。椒盐龙利仔系唯一点了既前菜，个味唔太特别，只有脆，叫做椒盐野不过唔太椒盐，炸野黎讲又未算香口，系很一般既一款。
姜米酒蒸蟹拑，好少食蟹拑，好似桃花源果个，都好似讲左几年都未去食，今次黎到，又试试，蟹肉蒸得刚好，够鲜美，个底系蛋白，够滑无蒸到老哂，有酒香有姜味，我觉得姜味重过酒味，balance d 会好d，不过整体都真系好唔错，系值得推介既一款。
鹅肝金钱鸡，系今次最想食既其中一款，小试一口，好叉烧既感觉，叉烧味盖过鹅肝味，肥美部份交左俾冰肉，真系够哂肥，叉烧系好野黎，很有咬口，呢款都系好食。
想吃点菜，要左炸茄子，相对普通既一款，特别位系面头炸过既瑶柱，好脆。
到另一位主角，好彩有得叫半只先有机会试到呢个乳猪饭，乳猪薄薄的，有肥又有肉，很不错，饭够干身，香口，不过就好似油左d，呢一味唔系好多地方做得好，呢到既就好唔错。
到甜品，要左红酒雪梨酥同橙酒松饼，雪梨酥真系好功夫，个皮够酥，话有红酒就真系唔多食得出，莲蓉就一大pat。橙酒松饼，呢款好个雪梨酥，至少有酱够哂香，入面d mousse好滑，系有水准既一款。
埋尾有杯奶茶，好甜，饮返中国茶解腻仲好。
呢个午餐食左两个钟，真系好饱，不过过左黎，都系悠悠闲闲咁用膳，系很不错的一餐。俾分既时候，再谂谂，整体真系好唔错，无扣分既地方，系我首个俾满分既食评。
张贴
