福龍葡國餐廳

营业中

休息中

相信大家都好熟新马路，呢条街有好多餐厅，呢间福龙葡国餐系新马路最耐历史嘅葡国餐厅，亦系《米芝莲指南》香港 澳门 2017「推介」餐厅 。首先试咗葡式炒蚬$95，系我最爱嘅葡国菜式之一，主要用白酒同柠檬汁炒，呢个仲加入少少辣椒、蒜头、芫茜去炒，更带出蚬嘅鲜甜。呢款炒蚬柠檬汁比例较少，推介唔太钟意好劲柠檬汁嘅人黎食，仲有一定要叫碗白饭黎捞蚬汁呀！！ P.S. 张枱嘅葡式磁砖好靓葡国鸡$93: 上菜时有少少吓亲，因为好大煲！鸡件加有番茄、炸过嘅薯仔、洋葱、西芹、橄榄各少量，鸡肉煎金黄后再煮，但食落就无乜鸡味，个葡汁嘅椰汁落多左（第一张图中间好多椰汁）食落似椰汁鸡多d～汁仲多过料～餐厅有做facebook 同埋wechat 推广，只要把食物照片及餐厅推广照片upload， 就可以获得甜品一份， 侍应送黎食物后，我即刻影野食相跟手upload埋张相，侍应睇完我真系upload 左后，上完晒主菜后佢就送上甜品～木糠布甸ARARAR。