永利宮

营业中

休息中

闲日游澳门，朋友见间餐厅好靓，所以一齐去试下。上网见人话要一早订定位，因为佢地成日都fully booked，所以我地订左位，同埋要求坐窗口位。（可以睇音乐喷泉表演）环境真系冇得输，装修得好华丽。蟹皇蒸烧卖 - 食唔到蟹味，觉得同普通烧卖一样。永利宫虾饺皇 - 皮薄，虾爽口弹牙。金蒜排骨蒸陈村粉 - 排骨蒸得刚刚好，好嫰滑。个汁有少少辣味，加埋蒜味同d陈村粉一齐食，唔错。七味脆豆腐 - 炸得好好，脆浆好薄，咸味都适中，豆腐又滑。红枣糕 - 好烟靭但红枣味唔够。最后佢地送左甜品俾我地。整得好精致，都几好味。整体系唔错，佢地d茶都好好饮，但价钱就偏贵左。