影片
更多
2023-03-24
1019 浏览
随住上葡京综合度假村系2021年开幕，又多左新既高质餐厅可以拣😆 味赏MESA系由传奇时尚大师「老佛爷」Karl Lagerfeld亲自设计，装潢以黑白金为主，天花仲整成浪漫LED星空，不时有流星划过，够哂浪漫💕 除左环境好岩打卡之外，呢度既葡国菜都好有心思，味觉同视觉都得到充分享受，真正「味赏」🥹餐厅划分为两个用餐区域，星空同酒吧区。我地预先一个月系网上book左枱，注明系庆祝生日，无特别要求下店员留左星空区最佳C位比我地，劲开心🥳 当日成个体验都好好，店员友善热情，每次上菜都会介绍，有问必答，遇到店员用心既餐厅真系好加分！庆生仲有免费朱古力蛋糕(4-5吋左右)🎂同影相服务，黎呢度庆祝特别日子真系好正！𝑫𝒓𝒊𝒏𝒌𝒔♢ 🦜𝑳𝒂𝒔𝒕 𝑩𝒂𝒄𝒌 𝑮𝒂𝒓𝒅𝒆𝒏 $𝟏𝟒𝟖后花园 ‧ 餐厅招牌饮品，雀仔造型既酒杯好别致，好IG-able！呢个名改得好，真系要系雀仔个「后花园」饮架🤣 成份有Jasmine infused gin﹑燕窝﹑枸杞冰糖糖浆同薄荷，味道丰富得黎又易入口，几清新。♢ 🍸𝑨𝒎𝒐𝒓 𝑫𝒆 𝑳𝒊𝒔𝒃𝒐𝒂 $𝟏𝟒𝟖里斯本之恋 ‧ 唔好睇佢平平无奇，成个体验超浮夸！酒杯上放有好似UFO
餐厅划分为两个用餐区域，星空同酒吧区。我地预先一个月系网上book左枱，注明系庆祝生日，无特别要求下店员留左星空区最佳C位比我地，劲开心🥳 当日成个体验都好好，店员友善热情，每次上菜都会介绍，有问必答，遇到店员用心既餐厅真系好加分！庆生仲有免费朱古力蛋糕(4-5吋左右)🎂同影相服务，黎呢度庆祝特别日子真系好正！
𝑫𝒓𝒊𝒏𝒌𝒔♢ 🦜𝑳𝒂𝒔𝒕 𝑩𝒂𝒄𝒌 𝑮𝒂𝒓𝒅𝒆𝒏 $𝟏𝟒𝟖
后花园 ‧ 餐厅招牌饮品，雀仔造型既酒杯好别致，好IG-able！呢个名改得好，真系要系雀仔个「后花园」饮架🤣 成份有Jasmine infused gin﹑燕窝﹑枸杞冰糖糖浆同薄荷，味道丰富得黎又易入口，几清新。
♢ 🍸𝑨𝒎𝒐𝒓 𝑫𝒆 𝑳𝒊𝒔𝒃𝒐𝒂 $𝟏𝟒𝟖
里斯本之恋 ‧ 唔好睇佢平平无奇，成个体验超浮夸！酒杯上放有好似UFO造型咁既朱古力脆片，店员会比个搥仔你扑碎佢🔨 咁d朱古力就会跌落饮品到🍫 杯酒用左樱桃味whisky﹑葡国樱桃白兰地同苹果木烟，酒味相对浓郁，可配合朱古力一齐食。
♢ 🍞𝑩𝒓𝒆𝒂𝒅面包松软香口，keep住温热，配有3款牛油选择。
♢ 👨🏻🍳𝑨𝒎𝒖𝒔𝒆-𝑩𝒐𝒖𝒄𝒉𝒆用餐前先来一道由厨师发办既餐前点心。右边系迷你泡芙，上面摆左prama ham，咸香又松软，口感丰富。而左边系用青苹果整既卷物，清新开胃。
𝑺𝒎𝒂𝒍𝒍 𝑪𝒐𝒍𝒅 𝑩𝒊𝒕𝒆𝒔♢ 🍦𝑻𝒆𝒎𝒑𝒖𝒓𝒂 𝑪𝒐𝒏𝒆 𝒘𝒊𝒕𝒉 𝑻𝒖𝒏𝒂 𝑻𝒂𝒓𝒕𝒂𝒓𝒆 𝒂𝒏𝒅 𝑺𝒑𝒊𝒄𝒚 𝑺𝒐𝒚𝒂 $𝟏𝟑𝟖
金枪鱼脆筒配辣酱油 ‧ 吞拿鱼他他有渍过，配上微辣既酱油颇为惹味。脆筒上洒左海苔粉，香脆可口。
𝑺𝒎𝒂𝒍𝒍 𝑯𝒐𝒕 𝑩𝒊𝒕𝒆𝒔♢ 🦀𝑩𝒓𝒊𝒐𝒄𝒉𝒆 𝑭𝒓𝒊𝒆𝒅 𝑷𝒂𝒔𝒕𝒓𝒚 𝒘𝒊𝒕𝒉 𝑺𝒕𝒐𝒏𝒆 𝑪𝒓𝒂𝒃 $𝟏𝟑𝟖
石头蟹配炸牛油面包 ‧ 摆盘好有心思，打卡一流！面包整到成个burger造型咁，入面夹左石头蟹肉﹑三文鱼籽，三重滋味，好有层次感！
𝑺𝒆𝒂𝒇𝒐𝒐𝒅♢ 🐠𝑪𝒓𝒆𝒂𝒎𝒚 𝑪𝒐𝒅𝒇𝒊𝒔𝒉 𝒘𝒊𝒕𝒉 𝑬𝒈𝒈𝒔 $𝟏𝟔𝟖
薯丝马介休 ‧ 经典葡菜之一，以马介休﹑薯仔丝﹑洋葱﹑蛋浆炒成一碟，口感丰富。不过呢度既做法令到质地较涩身，口感过于creamy，食多几啖已经腻口。如果可以配上多士或其他轻食会更好~
𝑴𝒆𝒂𝒕♢ 🐖𝑪𝒓𝒊𝒔𝒑𝒚 𝑺𝒖𝒄𝒌𝒍𝒊𝒏𝒈 𝑷𝒊𝒈 $𝟑𝟐𝟖
脆皮乳猪 ‧ 厨师推荐菜式，伴菜有炸薯条﹑香橙沙律。乳猪烧汁用猪仔造型既碗装住🐷 店员即席淋上。乳猪皮脆肉嫩，入口唔会太油腻，不过略嫌乳猪份量太少，性价比唔算高。
𝑫𝒆𝒔𝒔𝒆𝒓𝒕♢ 🍰𝑴𝒆𝒔𝒂 𝑺𝒊𝒈𝒏𝒂𝒕𝒖𝒓𝒆 𝑫𝒆𝒔𝒔𝒆𝒓𝒕 𝑷𝒍𝒂𝒕𝒕𝒆𝒓 $𝟏𝟑𝟖
店员介绍拼盘可以任选menu上3款甜品，份量就会得一件，不过可以一次过试3款甜品都好抵！我地拣左店员推荐既「葡式酥皮蛋挞」﹑「特式柑橘吉士球」﹑「朱古力蛋糕」。最有惊喜系葡挞~ 竟然用左拿破仑既卖相，酥皮好香脆，几有特色~ 而吉士球几好味，略嫌溶得太快，上埋生日蛋糕影完相，个吉士球已经溶左，大家要趁冻食呀！
🍬𝑭𝒓𝒆𝒆 𝑺𝒏𝒂𝒄𝒌♢ 𝑷𝒆𝒕𝒊𝒕 𝑭𝒐𝒖𝒓
估唔到最后仲有小甜品送~ 左边系芝麻开心果brownie，而右边系开心果朱古力。
MESA既环境﹑服务都系一流，有特别日子黎呢度庆祝就最适合🎉 食物同饮品水准都不俗，个人觉得饮品更有惊喜！如果食完饭先过黎，黎呢度点杯酒饮都ok架🥂
张贴
