影片
更多
2019-03-26
630 浏览
嚟澳门前已经做定功课，揾定有咩好嘢食，呢间世记咖啡简直人人推荐。上星期终于有机会去澳门试试，听人讲呢度成日大排长龙，今次嚟到见到唔算太多人， 十分幸运呢！餐牌简单而详细，清楚易明。一早起身又唔想食太多野所以就叫咗一个面包 : 秘制洋葱咸牛肉厚蛋多士。世纪咖啡出名嘅嘢饮有炭烧瓦煲咖啡同埋秘制香滑奶茶。喺门口已经见到呢一个所谓嘅炭烧瓦煲，师傅真系喺正你面前冲，好真实又纯朴嘅感觉。由于起身嘅时候已经饮咗一杯咖啡，所以就试吓佢哋嘅奶茶啦！铺头入面充斥住怀旧嘅气息。等攞嘢食嘅时候，周围睇下影吓，时间都过得快啲。当日天气有啲热，所以选择咗冻嘅奶茶。影完相急不及待即刻试一啖。一饮落去真系觉得好香滑，茶底够浓唔会涩，奶就够晒滑，亦有奶香味，同茶完美融合。怪唔得知咁多人推荐啦！主角到啦！第一个反应系哗一声，因为个蛋真系超厚啊！佢嘅厚度简直可以媲美块厚多士。即刻试吓先。咬开就会见到蛋嘅入面，唔系全熟，大约七成，厚而不实。蛋同多士中间仲隔咗一层咸牛肉，里面有洋葱碎，喺香港会比较少见。个人就觉得牛肉嘅咸味，浓郁嘅蛋，加埋两块面包，味道中和得啱啱好。整体而言，食物质素高，完全对得起价钱。重要嘅系，旧铺嘅情怀系一
餐牌简单而详细，清楚易明。一早起身又唔想食太多野所以就叫咗一个面包 : 秘制洋葱咸牛肉厚蛋多士。世纪咖啡出名嘅嘢饮有炭烧瓦煲咖啡同埋秘制香滑奶茶。喺门口已经见到呢一个所谓嘅炭烧瓦煲，师傅真系喺正你面前冲，好真实又纯朴嘅感觉。由于起身嘅时候已经饮咗一杯咖啡，所以就试吓佢哋嘅奶茶啦！
铺头入面充斥住怀旧嘅气息。等攞嘢食嘅时候，周围睇下影吓，时间都过得快啲。
当日天气有啲热，所以选择咗冻嘅奶茶。影完相急不及待即刻试一啖。一饮落去真系觉得好香滑，茶底够浓唔会涩，奶就够晒滑，亦有奶香味，同茶完美融合。怪唔得知咁多人推荐啦！
主角到啦！第一个反应系哗一声，因为个蛋真系超厚啊！佢嘅厚度简直可以媲美块厚多士。即刻试吓先。
咬开就会见到蛋嘅入面，唔系全熟，大约七成，厚而不实。蛋同多士中间仲隔咗一层咸牛肉，里面有洋葱碎，喺香港会比较少见。个人就觉得牛肉嘅咸味，浓郁嘅蛋，加埋两块面包，味道中和得啱啱好。
整体而言，食物质素高，完全对得起价钱。重要嘅系，旧铺嘅情怀系一般连锁餐厅里面感受唔到嘅，下次去澳门一定返嚟再试！
张贴
