煥記海鮮飯店

营业中

休息中

撞啱节日，决定一家大细去澳门玩两日一夜。一落船，其实都差唔多要食中午。但系因为我哋有老有嫩，所以都选择食中餐会比较合适。虽然酒店在氹仔，落船都是氹仔，但是亲戚们还是对旧城区那边的餐厅情有独钟，于是我哋就决定去呢度好多人话食翅应该喺红屋街𠮶边，不过我觉得其实只要热辣辣整出嚟都会好食，所以我哋就喺呢度分别叫咗汤同埋翅。好好味，男女老幼都啱食。除咗翅同埋汤之外，我哋都系叫返一般炒粉面饭同埋菜仲有鸡丁。始终我哋唔谂住食得太饱，因为去到澳门旅行都系行到边食到边，午餐之后都会沿途食吓猪扒包啊牛杂等等。呢间餐厅最值得推荐嘅系佢嘅地理环境，因为一出餐厅外面，附近就已经有得买手信，而且因为系呢一区凹咗落去，游客排队唔会多，唔似得要去大三巴附近买手信排晒长龙咁，喺呢间餐厅外面嘅手信街俾你随便试随便睇，所以临走嘅时候其实可以去呢度食返餐在去手信街扫货。