九記冰室 (已結業)

老豆系响澳门出世的, 但又话竟未去过大三巴, 都几骑呢.今日和他行上去睇吓啦.但未行, 他已叫我和妹食个下午茶先~横街有这间小小的冰室, 就一试啦.真的好冰室feel, 有相大家睇.吊住的风扇, 卡位, 玻璃柜, 真的好憓旧.不过, 成个澳门都好似20年前的香港咁啦, 讲开又讲.都想叫d特别野食, 看看menu, 有 "黄牛, 白牛, 红牛, 黑牛".咁系咩黎架?!问吓阿姐, 哈, 原来黄牛系忌廉梳打+雪糕;白牛系雪壁+雪糕, 黑牛系可乐; 红牛当然唔系俾对翼你果种, 而系... 而系...唉, 我和妹两个竟都唔记得了真系唔好意思...o系度同大家讲声sorry...另有葡萄牙式腊肠包及鸭胸包, 几特别, 叫了每样一个黎试吓.柠茶好快有得饮, 好多柠, 正~葡萄牙式腊肠包有3片肠, 几薄吓; 个包系刚烘起, 热辣辣, 正. 腊肠好似中式腊肠咁, 几咸.鸭胸包则有3片鸭胸; 味一般, 和估计的一样.每个包都系12蚊, 收费都系20年前, 仲想点呀...