葡韻美食店 (已搬遷) 新店位置

根据杂志的介绍星期五晚到葡韵美食店试正宗葡国菜。 我按杂志提示先book位，但去到见仲有好多位，仲以为收错料，后来先知所有位都系reserved ，有walk-in都要等，真有性格。呢度嘅老板好social，但系沟通嘅方法就唔系个个受落。 好似我未order，佢就搭住我膊头话：「你影我相㖞，其实唔驶影吖，我网页成千张相。」又两次叫隔篱台两位美小女收手机，吓到佢哋花容失色，我为咗提供几张照片俾大家，冒险影咗几张质素奇差的照片，但都应该攞今年最佳图片奖！ 不过，后来先知原来佢系讲笑，人人都影……未免玩得大咗少少……老板娘见我攞将纸出来order，就笑我：「做足功课㖞！」，仲介绍其他招牌菜，下面就系我嘅报告：面包、牛油：热辣辣，脆卜卜，靓！ 可惜影得太差……什菜汤：味比较淡，唔系太适合香港人口味柠檬煮蚬：蚬肉肥美，加上柠檬的酸味及西芹的香味，令本身鲜味的蚬肉更鲜更清，很开胃，令食欲大增。忌廉煮马介休：唔好见上面焗得咁惹味就以为好热气，其实里面系忌廉薯仔煮马介休，薯仔应该系浸过水，唔系薯蓉，虽然加咗忌廉，但系唔觉漏，葡国口味，可以一试。葡式烤乳猪：外脆内软，又唔似Rudy Tues