六記粥麵

营业中

休息中

之前朋友带过嚟食宵夜，真系一试难忘。今次再同其他朋友嚟食，一坐底，就叫虾子面，蟹粥，鲍汁凤爪，大肠，鮻鱼球。虾子面爽弹，而且落虾子嘅份量一D都唔会孤寒呀！不过就唔建议大家买面饼返去自己煮啦。因上次友人食后爱上咗，买咗一打返香港，依照店员所讲方法去煮，点知分别3-4人煮，都系失败，共通点都系煮起个面好"杰"身，所以都系喺舖头食好啦！蟹粥(大锅）$200都抵食呀，有3只蟹，好鲜甜，分量足，我哋6个人分每人都有2-3碗。鲍汁凤爪同大肠都炆到好入味，尤其凤爪简直一咬就可以骨肉分离。鲮鱼球大粒弹牙又有鱼味，我唔钟意食鱼嘅人，都觉好味。之后友人话见外面闪灯招牌有黑掓牛肉炒面，话都想试试系咪推介，叫咗个试，原来都系用竹升面炸过，脆脆哋都ok㖞，牛肉好香黑椒味，而且咬口仲刚刚好，唔会过熟。但鱼蛋+猪皮就真系可以唔洗试啦，味道好一般吖。