影片
更多
2009-12-18
3084 浏览
陪亲戚澳门一日游，佢个妹今日生日，问亚姐想食咩？佢话想食翅，西南都几好。傍晚6点入到去，水静鹅飞，得我地一枱客。打开菜牌，最平嘅海虎翅都要$300几一両。为咗唔好令个亲戚失望，4个人order咗六両，加埋每位计嘅荷叶饭、上汤白菜胆。个翅用个面盆咁大个碟上菜，翅针唔算粗大，每人分到两、三条，夹起唔够一住。翅汤每人分到两碗，第二碗已经冇翅毛。D汤有药材味及好重味精，秘方应该冇D咁嘅汤料，翅贵都唔好悭D老鸡，金华火腿及瘦肉。荷叶饭冇虾，上汤白菜胆变盐水白菜，喺咪因为澳门制水。埋单$2300免找，个亲戚哗咗一声，唔好意思。我问佢哋几时嚟西南食过翅，佢话十几年前，另一个话几年前，真喺俾佢吹啤啤 @#$^*%&*(()-+... ! 咁嘅价钱，早知同你去陶陶居鱼翅捞饭都得啦!个亲戚番咗去美国都remind 我要喺 Openrice 出山写番食评出嚟，咁贵嘅地方，厕所连厕纸都欠奉，总之有钱都唔好再去。要豪嘅话，不如去几间新落成大酒店食翅。
傍晚6点入到去，水静鹅飞，得我地一枱客。打开菜牌，最平嘅海虎翅都要$300几一両。为咗唔好令个亲戚失望，4个人order咗六両，加埋每位计嘅荷叶饭、上汤白菜胆。
个翅用个面盆咁大个碟上菜，翅针唔算粗大，每人分到两、三条，夹起唔够一住。翅汤每人分到两碗，第二碗已经冇翅毛。D汤有药材味及好重味精，秘方应该冇D咁嘅汤料，翅贵都唔好悭D老鸡，金华火腿及瘦肉。荷叶饭冇虾，上汤白菜胆变盐水白菜，喺咪因为澳门制水。
埋单$2300免找，个亲戚哗咗一声，唔好意思。我问佢哋几时嚟西南食过翅，佢话十几年前，另一个话几年前，真喺俾佢吹啤啤 @#$^*%&*(()-+... ! 咁嘅价钱，早知同你去陶陶居鱼翅捞饭都得啦!
个亲戚番咗去美国都remind 我要喺 Openrice 出山写番食评出嚟，咁贵嘅地方，厕所连厕纸都欠奉，总之有钱都唔好再去。要豪嘅话，不如去几间新落成大酒店食翅。
张贴