影片
更多
2019-08-23
1682 浏览
餐厅走瑰丽气派，以龙为主装饰，由餐具摆设到菜单封面，都见到龙嘅踪影。枱刚好喺落地大玻璃旁，海景就冇，但就有成个新濠影汇赌场作景，唔知食食吓会唔会食出赌瘾呢？先讲讲佢地嘅待客之道。所有客人走入餐厅都会被带到等候区等，然后再逐张逐张台带位。每张枱都近乎1对1服务，只要一举手就有服务员黎帮你，每次落菜都会介绍菜式，又自动波令你茶杯常满，米芝莲餐厅果然系要食埋服务😏。 点菜后，每人都会有一盘头盘，有由玥龙轩专业茶师调配符合季节饮用嘅好茶同一口炸鲜奶。茶顺口清香，配炸得香脆嘅甜鲜奶，帮你打开味蕾，准备享用之后嘅点心。最特别系盘内有一个空嘅高身杯，系用黎闻，用嗅觉品尝香茶。讲返主角点心先😏玥龙极品鲜虾饺🦐一粒虾饺就知道一间酒楼嘅质素。呢粒竹炭虾饺做到作为虾饺嘅要求：皮薄馅靓；而且虾大只得黎爽口。圆润嘅虾饺加上金箔更显贵气。竹笙蟹粉百花卷🦀百花卷以虾胶制成，本身味道比较淡，淋上嘅瑶柱蟹粉可以话有画龙点睛嘅作用，令整个百花卷鲜味提升。鲜虾韭黄春卷🦐虾春卷非常脆口，但并不是惊喜之作；相反小妹钟意装春卷嘅盘子，好似酒杯咁，令整个点心升级咗。香茜石班脆皮海龙皇肠粉🐟系肠粉皮包住石班春卷；春卷炸得香脆，并冇被
先讲讲佢地嘅待客之道。所有客人走入餐厅都会被带到等候区等，然后再逐张逐张台带位。每张枱都近乎1对1服务，只要一举手就有服务员黎帮你，每次落菜都会介绍菜式，又自动波令你茶杯常满，米芝莲餐厅果然系要食埋服务😏。 点菜后，每人都会有一盘头盘，有由玥龙轩专业茶师调配符合季节饮用嘅好茶同一口炸鲜奶。茶顺口清香，配炸得香脆嘅甜鲜奶，帮你打开味蕾，准备享用之后嘅点心。最特别系盘内有一个空嘅高身杯，系用黎闻，用嗅觉品尝香茶。
讲返主角点心先😏
玥龙极品鲜虾饺🦐
一粒虾饺就知道一间酒楼嘅质素。呢粒竹炭虾饺做到作为虾饺嘅要求：皮薄馅靓；而且虾大只得黎爽口。圆润嘅虾饺加上金箔更显贵气。
竹笙蟹粉百花卷🦀
百花卷以虾胶制成，本身味道比较淡，淋上嘅瑶柱蟹粉可以话有画龙点睛嘅作用，令整个百花卷鲜味提升。
鲜虾韭黄春卷🦐
虾春卷非常脆口，但并不是惊喜之作；相反小妹钟意装春卷嘅盘子，好似酒杯咁，令整个点心升级咗。香茜石班脆皮海龙皇肠粉🐟
系肠粉皮包住石班春卷；春卷炸得香脆，并冇被肠粉皮整腍，食落比炸两更香脆。肠粉皮够薄够滑，可惜石班份量比较少，唔系好食到石班。秘制鱼翅灌汤饺
咁多点心中小妹最钟意嘅😍上台后先倒入汤，系你面前将睇落平平无奇嘅蒸饺变成灌汤饺。汤头加入几丝金华火腿，饮落清醇鲜美，并唔系一般灌汤饺个种死咸；而且饺子馅料十足，每一啖汤都可以食到馅料，真心推介👍🏻！ 金喳脆皮带子饼
酥皮几松脆，味道有少少似食黄桥烧饼，但小妹觉得略为油腻。合桃流沙包
第一次食加入合桃嘅奶皇流沙包，感觉几新鲜，合桃令包多咗一份口感；奶皇香滑而且甜度适中，有惊喜！
最后唔可以唔讲埋佢嘅送嘅点品盘，每一粒都精致又好食。除咗有莲蓉酥、Macaroon，仲有杏仁豆腐兔子🐇同黑芝麻小猪🐖。小猪造型好得意，芝麻味好香浓，布丁滑得黎又有少少芝麻粒嘅口感，出奇地好食😋贵为「誉珑轩」姊妹店，「玥龙轩」质素的确有番咁上下，味道服务都到位，米芝莲一星的美誉并唔止系光环。另外大部份点心价钱系50-70蚊，其实比香港唔少贵价/酒店点心平，所以小妹觉得值得一试！ （唯一比较唔抵啱嘅系茶钱系每位计，而最平嘅都等于一个点心嘅价钱，比例上唔系咁值）
张贴
