譚家魚翅 (已結業)

旧年圣诞节过澳门一日游，唔够时间 去食翅，今次复活节再过大海，一定要补番数 ！是日由我带猪仔去食出名足料翅 嘅《添发》，点知去到，再次大排长龙 ！我哋时间紧密，唯有转去附近嘅《谭家》试试喇……《谭家鱼翅》系新马路呢头有两家店，我哋等嘅呢间已经full咗，侍应姐姐就带我哋去另一间分店。甫坐低，侍应生就送上小食一碟~棋子杏仁饼，香脆好味 ，食住等……唔觉意下，好快畀我ko咗一半 热辣辣嘅煲仔翅到~1.蚝仔中鲍翅($60) :  猪仔拣咗有蚝仔嘅翅，蚝仔都唔细只，翅明显少得可怜 ，得一两片迷你细梳翅 。2.花胶海参中鲍翅($68) : 档次高嘅花胶又薄又细件 ，反而炸鱼肚就一大旧。迷你鱼翅又系只得一两片 , 海参欠奉 ！食饱鲍参翅肚，点番碗甜品先 3.椰汁燕盏官燕($68x2) : 椰汁清甜润喉 ，又有啲燕碎食下 ，反而呢个甜品唔错啰！整体属偏贵，性价比低 , 试一次便够！