達榮魚翅湯面

营业中

休息中

去澳门既第三日去左氹仔，妈妈话好想试下鱼翅汤面。时间刚好系中午时段加上系圣诞正日，我地要系门外排队等。幸好速度都几快，等左十分钟就入到去了。黎呢度当然食佢既招牌货鱼翅汤面。除左配面亦可配饭，爱食汤饭既我选择了鱼翅汤饭。我地亦点了一客十粒的鱼翅球。鱼翅汤饭好快整好。鱼翅当然不是一梳梳的靓翅，只是一些翅边，但都可以发现有少少一条条的翅的。食落的质感有些像食花胶似的，口感都几好。不过就冇咩味道，所以只系试下就可以了。反而欣赏的系个鱼翅汤，好香好浓既鱼翅味，好岩用来做汤饭。所以个人认为配饭会比面更好，可以饮埋哟汤。鱼翅球新鲜即炸，脆卜卜同弹牙，配埋酸辣酱就更惹味。鱼翅球内的确有一团白色的野，但食不出佢有冇鱼翅存在。总括味道一般，但只是试过便算。三十多元当然不会预期有一梳梳翅，但价钱都算合理。只是认为鱼翅球不太值四十多元。