影片
更多
2016-04-28
2840 浏览
继续澳门游。。。 本来饮完个早 + 午茶之后，都饱饱地，但行到咁上下，又想食个tea填下个肚。。。 而早喺出发前，喺网上揾过呢间舖。。。好似好多野食，又好似冇咩食，但见好多人都赞呢度啲豆腐劲正，又滑。。。价钱又平民，啱哂我地~但我自己就觉得呢度都唔易揾。。。一直喺大街小巷左穿右插。。。兜左劲耐，问埋人先揾到。。。 但都几出名，喺内街随便问个街坊，佢听到就好详细咁教我地应该点行。。。先唔洗再乱兜。 入到去，舖头唔算大，一眼望哂，但一啲都唔迫。佢应该有餐牌，不过我张枱咁啱冇。唔紧要，仲有个巨型嘅餐牌挂喺墙，方便食客睇。(真系超巨型呀!!) 坐低第一件事，唔谂喇，嗌个净豆腐试下先~~(其实都想食个面，但都担心会获利回吐。。。唯有留番下次啦) 黎到嘅时候，对眼己经俾佢迷住左。。。骤眼望已经觉得好滑，好吸引。。。 一食入口，滑到差啲直入喉咙，实在太滑喇! 完全唔识形容。。。只可以讲真系滑到冇朋友呀!! 除左豆腐，全餐𩠌都系呢度嘅招牌菜，揾得咁辛苦，梗系要试埋呢个招牌菜啦。 呢个全餐𩠌有分大，中，细三款。我地志在试新野，见中同细个价钱差唔多争一倍，但个分别在于冇鸡翼同埋份量
本来饮完个早 + 午茶之后，都饱饱地，但行到咁上下，又想食个tea填下个肚。。。
而早喺出发前，喺网上揾过呢间舖。。。
好似好多野食，又好似冇咩食，但见好多人都赞呢度啲豆腐劲正，又滑。。。价钱又平民，啱哂我地~
但我自己就觉得呢度都唔易揾。。。一直喺大街小巷左穿右插。。。兜左劲耐，问埋人先揾到。。。
但都几出名，喺内街随便问个街坊，佢听到就好详细咁教我地应该点行。。。先唔洗再乱兜。
入到去，舖头唔算大，一眼望哂，但一啲都唔迫。
佢应该有餐牌，不过我张枱咁啱冇。唔紧要，仲有个巨型嘅餐牌挂喺墙，方便食客睇。(真系超巨型呀!!)
坐低第一件事，唔谂喇，嗌个净豆腐试下先~~(其实都想食个面，但都担心会获利回吐。。。唯有留番下次啦) 黎到嘅时候，对眼己经俾佢迷住左。。。骤眼望已经觉得好滑，好吸引。。。
一食入口，滑到差啲直入喉咙，实在太滑喇! 完全唔识形容。。。只可以讲真系滑到冇朋友呀!!
荳腐 (净𩠌)
126 浏览
0 赞好
0 留言
呢个全餐𩠌有分大，中，细三款。
我地志在试新野，见中同细个价钱差唔多争一倍，但个分别在于冇鸡翼同埋份量应该少啲，但唔紧要啦，又唔系好肚饿，就嗌个细嘅试下啦~
黎到见到，话系细size，但佢又真系几足料，份量又多，感觉己经有啲似大杂烩。。。
(实在唔敢谂大嘅全餐𩠌会系点样。。。)
豆腐唔洗讲，滑到不得了。
鱼球即系鲮鱼球，虽则得一嚿，但都几大嚿，几有口感，好食。
鸭红=猪红，一般味道，都好食嘅。
猪皮索左啲汤，正呀!
鱼旦就比较细粒，但都有3, 4 粒，而且唔会好淋。
至于鸡肠就好爽口，好正呀!
但系鱿鱼就略嫌唔够味，唔会好淋但味道比较淡。
菜就好似宝物寻归底咁，食哂啲𩠌先见到佢。。。都好，索哂啲味。
全餐𩠌 - 细
171 浏览
1 赞好
0 留言
结果都系抵唔住诱惑，食埋个甜品。
我自己就觉得食豆腐花几时都系热辣辣系最好味，点知原来佢豆腐花都有分大细。。。
(真系照顾周到)
经过全餐𩠌之后，决定都系要碗细嘅两个人分安全啲。。。
一如所料，即使系细，个份量都有番咁上下。
但系个口感一样咁正，而今次真系滑到直落喉咙，就好似食药咁，滑到不得了。正呀!
热豆腐花
80 浏览
0 赞好
0 留言
如果个胃再大啲，随时可以一次过试哂所有野呀。。。
而家唯有等下次再黎啦~~一定好快再黎食过~!
BTW, 老板娘同啲伙计都好nice呀，一边食野一边同佢地倾唔少计。临走问路时佢地仲好热心咁教我地两个路痴点行。。。
张贴
