影片
更多
2016-11-05
2523 浏览
第二朝早我哋八时许便到蓝湾全日餐厅享用丰富的自助早餐！车妈妈真系甚少食早餐，而且仲要系酒店嘅早餐心情难免兴奋！首先见到嘅有窝夫和蛋糕。各式各样的新鲜面包和新鲜生果。原来自助早餐嘅饮品选择更多有橙汁，苹果汁，西柚汁，另外仲有谷物早餐配牛奶添！沙律区方便都有藜麦和薯仔沙律啦，一些新鲜的沙律菜同埋冻肉供应。当然唔少得嘅就系钙质丰富嘅芝士啦！！仲有我都几喜欢的水果乳酪呢。还有即制的各种蛋蛋，有太阳蛋，煎蛋，Egg Benedict，烚蛋同埋烤蕃茄㖭！另外还有蜜糖多士，火腿，肠仔，盐焗蛋，炒饭，炒河粉仲有煎肠粉呢，真系多到唔知食乜好啊~不过我最爱系呢度原来有点心食㗎！有蚝皇叉烧包，怀旧马拉糕，山竹牛肉，XO酱蒸排骨，仲有小笼包和凤爪选择十分之多喔！劲想要回味一下昨夜的美味云吞水饺呀！仲有番茄炒蛋和煎肉碎，配炒饭食一流啦。亦都有顾及北方人喜欢的蒸番薯和粟米，原来仲有煎萝卜糕， 唔怕冻冰冰嘅可以食爽口的日式冷面做早餐都得㗎！其实以上咁多款嘅早餐食物我都好喜欢，但系一见到呢个粥档时车妈妈便十分兴奋，先有一锅白粥可配上十分多好味配菜，有我喜欢嘅榨菜，肉松，咸蛋，葱花，榄菜以及油炸鬼，另外仲有皮蛋瘦肉粥供
车妈妈真系甚少食早餐，而且仲要系酒店嘅早餐心情难免兴奋！首先见到嘅有窝夫和蛋糕。
各式各样的新鲜面包和新鲜生果。
原来自助早餐嘅饮品选择更多有橙汁，苹果汁，西柚汁，另外仲有谷物早餐配牛奶添！
沙律区方便都有藜麦和薯仔沙律啦，一些新鲜的沙律菜同埋冻肉供应。
当然唔少得嘅就系钙质丰富嘅芝士啦！！
仲有我都几喜欢的水果乳酪呢。
还有即制的各种蛋蛋，有太阳蛋，煎蛋，Egg Benedict，烚蛋同埋烤蕃茄㖭！
另外还有蜜糖多士，火腿，肠仔，盐焗蛋，炒饭，炒河粉仲有煎肠粉呢，真系多到唔知食乜好啊~
不过我最爱系呢度原来有点心食㗎！有蚝皇叉烧包，怀旧马拉糕，山竹牛肉，XO酱蒸排骨，仲有小笼包和凤爪选择十分之多喔！
劲想要回味一下昨夜的美味云吞水饺呀！
仲有番茄炒蛋和煎肉碎，配炒饭食一流啦。
亦都有顾及北方人喜欢的蒸番薯和粟米，原来仲有煎萝卜糕， 唔怕冻冰冰嘅可以食爽口的日式冷面做早餐都得㗎！
其实以上咁多款嘅早餐食物我都好喜欢，但系一见到呢个粥档时车妈妈便十分兴奋，先有一锅白粥可配上十分多好味配菜，有我喜欢嘅榨菜，肉松，咸蛋，葱花，榄菜以及油炸鬼，另外仲有皮蛋瘦肉粥供应添！
最后车妈妈都系选择食中式嘅早餐因为我真心喜欢食粥同点心呀！
先来一碗白粥基本上所有配料我都落晒所以好丰富，粥底十分绵稠，火候十足好好味呀^0^
而点心方面我除了蒸排骨同凤爪，另外仲取了多叉烧包，全部质素亦都十分不俗呢！
当您见到朝头早都可以食到即制嘅香蕉班戟，那份感觉真系好幸福呀！
而甜魔妈妈母女的早餐就较为西式，呢个Egg Benedict外貌超正，可惜我哋呢一个就做得不够流心了，但系清鹿村姑那一只就相当流心，所以就睇你好唔好彩啦！
甜魔妈妈最爱新鲜生果，我都痴咗少少来吃呢。
西式早餐中唯一我最爱嘅就系谷物早餐，自小就喜欢吃这种谷物早餐，可惜屋企就唔多喜欢买嚟食，今日可以食餐劲喔！
特别一提这杯香芒奶昔做得十分出色，香滑幼细不过甜十分好饮，但这杯芒果奶昔系客人的特别饮品来，不包括在自助餐内啊~
原来中式点心哪儿款式会不断转款，这次取了菠菜烧卖这个烧卖质素超高，内里有十分多嘅菠菜而肉少，吃下完全不漏而且质感亦能保持著咬口味道十分出色，可惜萝卜糕就较为失望，不够香味之余质感亦不好吃呢！
粥迷的我还要吃多碗皮蛋瘦肉粥才罢休，皮蛋瘦肉粥同样系绵滑可口，真系好好味喔！
借了好友的云吞面一影，可惜车妈妈已经吃不下了，希望有缘再来重温啦！
张贴
