影片
更多
2013-11-14
925 浏览
话咗今次个小旅行以轻松渡假、舒展身心为主，无紧凑嘅行程，无必去嘅景点，所以，下午办好入住手续，安顿好一切之后，先晌酒店个泳池游吓水，浸浸按摩池、叹埋个桑拿 ，晚饭就落返5/F嘅稻菊，足不出户，好好享受番一餐滋味嘅日本料理 。拥有百多年历史，又曾获米芝莲选为精选食肆，更被评为澳门最佳食府之一（2009-2013），自不然有一定嘅水准，当中以采用百分百天然优质长野白芝麻油嚟做嘅天妇罗，最为家传户晓。一入门口，已睇到装潢上尽见气派，酒吧位大大盏水晶吊灯，反而和风味唔重，红同黑嘅配衬，较为型格。如想睇师傅表现厨艺，可选择坐晌即场烹煮区嘅吧櫈，分寿司/刺身、天妇罗、铁板烧3个分区 。我哋想坐得舒服一啲，地方多一啲，方便摆嘢之余，又可以方便写吓嘢，况且同老婆打对面坐，方便交流吖嘛，所以都喺拣番中间大堂位置。由于枱与枱之间都分隔颇开，又有啲竹帘相间，故此就算客多，相信个骚扰度唔高 。除咗环境型格，枱上嘅摆设都好幽雅，唔知喺咪星际嘅特色，由之前房内嘅洗手间、书枱，以及晌稻菊，都经常见到插上一小伙兰花作装饰。为咗试吓师傅做各类食物嘅手势，所以，前菜、寿司、天妇罗、主菜、面类样样都点啲。 自家制
一入门口，已睇到装潢上尽见气派，酒吧位大大盏水晶吊灯，反而和风味唔重，红同黑嘅配衬，较为型格。如想睇师傅表现厨艺，可选择坐晌即场烹煮区嘅吧櫈，分寿司/刺身、天妇罗、铁板烧3个分区 。
我哋想坐得舒服一啲，地方多一啲，方便摆嘢之余，又可以方便写吓嘢，况且同老婆打对面坐，方便交流吖嘛，所以都喺拣番中间大堂位置。由于枱与枱之间都分隔颇开，又有啲竹帘相间，故此就算客多，相信个骚扰度唔高 。
除咗环境型格，枱上嘅摆设都好幽雅，唔知喺咪星际嘅特色，由之前房内嘅洗手间、书枱，以及晌稻菊，都经常见到插上一小伙兰花作装饰。为咗试吓师傅做各类食物嘅手势，所以，前菜、寿司、天妇罗、主菜、面类样样都点啲。
自家制冷豆腐 $90 90蚊食一兜豆腐可能你会觉得好贵，但当中夹杂人工、铺租及各项成本，以及师傅嘅心思。老实讲，豆腐唔叫得滑，但豆味浓郁，成份冷豆腐都冰镇住上枱，所以无论何时入口，豆腐都冰凉清爽，将幼细嘅葱花、木鱼碎、姜蓉、酱油跟豆腐捞埋一齐食，感觉鲜爽有层次 。
鳗鱼柳川锅 $120 试完一个冻嘅前菜，再嚟另一个喺热嘅前菜「鳗鱼柳川锅」，一道将碳烧鳗鱼淋上蛋汁而成嘅南方乡土料理，喺小弟是晚嘅诚意推介。一来碟头颇大，份量十足，二来鳗鱼挺多，既油润又有碳火香，再者又加上汁煮过嘅牛蒡，富口感，而且蛋香嫩滑，无唔推介嘅理由啰 ！
吞拿鱼 $45、金目鲷 $50、海瞻寿司 $150 稻菊嘅寿司一啲都唔使宜，最平嘅三文鱼都要成$40一件，最贵嘅海瞻或火焰吞拿鱼腩寿司卖到成$150一件。为咗一试佢啲鲜鱼及饭粒嘅质素，我哋平嘅又点，贵嘅都点。金目鲷及吞拿鱼嘅质素单睇色泽已有一定信心，唔会暗哑瘀黑，入口非常新鲜甜美，饭粒软熟黏糯而不松散，师傅手势果然上乘 ；至于海瞻寿司以军舰形式登场，紫菜十分香脆，咬落「咯咯声」，而海瞻下得极之多，入口绵滑丰腻，正 ！即磨嘅山葵及酸姜片晌摆设上，细节位一啲都唔马虎。
稻菊天妇罗拼盘 $360 天妇罗既为稻菊名物，主打都心想要试，所以亳无悬念一点就喺「稻菊天妇罗拼盘」，一客有齐车海老（两件）、松叶蟹脚（一件）、九肚鱼（两件）、海鳗鱼饼（一件，一开二）、数款野菜，配以天妇罗汁、岩盐及柠汁。粉浆无疑又薄又脆，虽以纯芝麻油嚟炸，唔好期望满口芝麻香，但却喺清爽唔油腻 ；虽然蘸柠汁带酸香，口感更清爽，但会令外层变腍，小弟觉得轻轻点啲岩盐更惹味 。车海老非常鲜味，千祈唔好嘥个虾头当垃圾，炸香之后嘅虾头极之酥脆；松叶蟹脚亦都新鲜，散叫一客都要成$66架；九肚鱼最有惊喜，入口非常滑嫩，蘸岩盐夸张啲讲句，真喺无懈可击 ；海鳗鱼饼亦都不俗，鱼味挺鲜；野菜有茄子（一件）、蕃薯（两件）、南瓜（两件）、鲜露笋（两件），当中以蕃薯及鲜露笋最好食，前者粉甜，后者爽脆。此外，侍应会留意住我哋食嘢嘅进度，天妇罗新鲜即整，整好又即上枱，所以一食完上一道菜，天妇罗拼盘就即时为我哋送上，抵赞 ！
银雪鱼西京烧 $168 银雪鱼喺老婆生死至爱，近乎食亲日本嘢都例点咁滞，今次，亦都无例外。银雪鱼卖相好精致，既大件，又厚身，食落鱼油十足，质感一瓣瓣，鲜嫩细滑 ；伴碟用嘅黑豆，又腍又甜，意外哋咁好食 ，最可惜喺鱼皮烧得过㶶，无奈哋要放弃。
冷荞麦面 $85 又天妇罗，又西京烧，临尾食啲冰凉嘅荞麦面就最好不过。荞麦面有韧劲，颇滑溜，不过本身好淡味，但佐以紫菜、葱粒、山葵、酱汁，感觉完全唔同晒！
果然喺酒店级食肆，服务真喺一流，除不断添茶外，前后帮我哋换咗3 次碟，菜式一道跟一道逐一送上，而且先后有序 ，令人食得轻松称心。众所周知啦，依家通常相机先食，搞一轮先真正起筷，慢慢上菜唔使堆到一枱都喺 。
之前一直所斟嘅喺玄米茶，挺芳香，而饭后再送上绿茶一碗（可添饮），细问之下喺雨前龙井，据讲有抗氧化、防衰老之效，点都好，饮落令人舒畅，很窝心嘅安排。
张贴
