Hello Kitty Obrigado (已結業)

在澳门闲逛，路过见Hello Kitty（真系无特登揾，我唔系佢粉丝）之前都有熟澳门朋友介绍过，既然咁有缘，当然要打下卡，影下相！门口有大大个kitty公仔，白色主调，配蓝色葡国花纹瓷砖（Kitty icon蝴蝶花）雪柜有好多蛋糕及马卡龙，马卡龙面嘅Kitty花好靓！仲有一set圣诞节特别版马卡龙，但一定要买Set!讲真我唔系kitty迷，又唔钟意马卡龙，但晚饭都未食，无理由买件蛋糕！所以我都系比面散买一个马卡龙，比肥髀自己拣味道，佢拣了个「开心果」浅绿色Kitty花好靓，店员小姐攞出来放入透明胶袋比我！仲送了张书签比肥髀！攞出门口长櫈食，个面好脆（因为咁短路程肥髀已经整碎个面）咬落外脆内烟韧，好甜！成个包括中间忌廉都好甜，唔觉有开心果味！店员小姐态度好好，有笑容！我慢慢拣款都无炸型！我只买一个马卡龙都好好笑容！