影片
更多
2019-05-28
820 浏览
又系同太太一年一度丧饮丧食澳门之旅，澳门美食系人都知道好多，今次未到旧区三盏灯，一个好似深水埗嘅地方，几年前嚟过，依家都系冇乜点变，之前听闻谢霆锋介绍过呢间小店，只有露天小食档，几有90年代感觉，名人介绍梗系要试吓，一碗细细碗嘅猪脚姜要$45，个汁完全唔系平时食开甜甜地，辣辣地果种，佢系非常之酸，猪手入晒味，又软熟，鸡蛋因为浸左啲醋，都系偏酸，我个人麻麻哋只蛋，反而啲老姜好粉好好食，一啲都唔觉得辣，好似粉葛咁样，几好味！其实去澳门唔系食就系食，一日食五六餐是常识的，食到流流地，过嚟食下啲超级酸既猪脚姜，又有胃口再去食晚餐
张贴
