影片
更多
2016-06-01
2229 浏览
近日发觉在南湾AIA的壹仔烧味突然大装修，切鸡摇身一变成了烤鸡。咁又系，身边的女仔朋友个个都在追「太咩的咩咩」，韩国菜始终是比麻甩烧味有市场的。Goobne Chicken是从韩国开过来的连锁餐厅，香港都有分店，澳门店就与旗舰集团合作开业。我初头以为又～是千颂伊韩式炸鸡，冇咩特别。但今天坐低仔细看看餐牌，才知其实这家的主打是烤鸡才对。听落系咪好似冇咁肥？（少少咁啦⋯⋯）一入门口就见到EXO排排企做知客。抽水趁呢铺。其实装修同以前都冇咩点变，好彩留番以前壹仔个通风高楼底。不过加左个狂播K-POP的大电视，氛围与以前完全不一样，Yo Check this out。Deja vu！！！！冇错，呢度系有午市套餐的。餐牌有好多款鸡，净系烤鸡类都有六七种，仲未计其他做法。今日人少少，好不容易选了几个菜。Goobne原味烤鸡 MOP148首先梗系要试下原味。有成只鸡，份量不少，颜色也烤得几靓！跟一个甜酱和一个沙拉酱，但冇乜机会俾佢地出场。因为烤鸡本身腌得够入味，不需借助旁门左道。食炸鸡又好，烤鸡也一样，用手食是常识吧。放心，店里有提供手套。（但我好明显系唔钟意用套果批）肉质都算喜出望外㖞！鸡皮脆脆地
Goobne Chicken是从韩国开过来的连锁餐厅，香港都有分店，澳门店就与旗舰集团合作开业。我初头以为又～是千颂伊韩式炸鸡，冇咩特别。但今天坐低仔细看看餐牌，才知其实这家的主打是烤鸡才对。听落系咪好似冇咁肥？（少少咁啦⋯⋯）
一入门口就见到EXO排排企做知客。抽水趁呢铺。
其实装修同以前都冇咩点变，好彩留番以前壹仔个通风高楼底。不过加左个狂播K-POP的大电视，氛围与以前完全不一样，Yo Check this out。
Deja vu！！！！冇错，呢度系有午市套餐的。
餐牌有好多款鸡，净系烤鸡类都有六七种，仲未计其他做法。今日人少少，好不容易选了几个菜。
Goobne原味烤鸡 MOP148首先梗系要试下原味。有成只鸡，份量不少，颜色也烤得几靓！
跟一个甜酱和一个沙拉酱，但冇乜机会俾佢地出场。因为烤鸡本身腌得够入味，不需借助旁门左道。
食炸鸡又好，烤鸡也一样，用手食是常识吧。放心，店里有提供手套。
（但我好明显系唔钟意用套果批）肉质都算喜出望外㖞！鸡皮脆脆地，有些微烟熏香烤味。鸡腿咬落有肉汁，可算是鸡有鸡味。用烤的确实比炸鸡干爽很多，唔怕食到油淋淋，食多几旧都冇罪恶感！
鸡胸位会干身少少，不过不至于柴皮。其实我觉得鸡胸的鲜味更明显。都好食！
Goobne蒜香水果酱油烤鸡（无骨） MOP150呢一款就在烤鸡表层加一层酱。烤到脆的鸡皮沾满蜜甜酱汁，甜中又带些酱油的咸。果味比蒜味要强一些，女仔会好钟意。我就钟意剥粒烤软了的蒜头，压到烤鸡上来增强蒜味！
无骨鸡啖啖肉，可以用叉食，同男仔撑枱脚都唔怕失仪态。
但在座还是一致认为有骨鸡肉比较嫩和比较多汁，有骨鸡普遍贵10蚊左右，是贵得有道理的。出得黎食鸡，还是别顾仪态鸟～
每盘鸡都会跟一兜酸萝卜，俾你解腻。
Goobne芝士烤鸡串 MOP168呢个好食！！
大旧鸡腿肉夹住大葱，烤到边位㶶㶶地，包围著鸡肉的烧汁很香，闻到都流口水！
还嫌不够煞食，仲要加埋牵丝水牛芝士！赢晒啦～～鸡腿肉很嫩滑，烤得香口，酱汁浓香惹味，带点甜辣，正呀！
虽然一客得4碌，但一碌都几大份，满足！！
济州海鲜超辣拉面 MOP120其实就是「辛拉面+冷冻海鲜」，话自己超辣，最终又系一个美丽的谎言。
好彩汤底都叫做有鲜味，算系咁啦。
总的来说ＣＰ值不高，我自己煮一定好食过佢（首先一定够辣）。
鲨鱼之泪沙冰 MOP78其实除左烤鸡选择繁多外，饮品都好多野玩。近期就好流行呢只「倒树葱鲨鱼」。
这里的有分有酒精与无酒精版本，细路都可以帮衬下。
表层是蓝色沙冰，底层是血海，其实咪又系果味糖浆，胜在够过瘾！一路饮，鲨鱼内部的红色糖浆就会流出来，Blend埋入蓝色沙冰里面。酸酸甜甜咁，起初好甜，沙冰融左之后会好饮些。
遇溺鲨鱼的真面目。
蓝橙沙冰 MOP58呢杯好靓，Tiffany绿，好清新！
口味也是很清新的橙味。冇乜特别但真的好呃like。
韩国米酒特饮 MOP65是一个有米酒味的芒果奶昔，唔会好甜，酒味也不是很浓。淡淡有些米酒香咁样啦。
苹果酒沙冰 MOP88上期流行的Rita，很忠实的苹果酒味。朋友点的，据说连沙冰也有酒精，饮完Wing Wing地。
咁足料，唔怪得之是四杯饮品之中最贵的。
是晚四人用餐，埋单Mop900多。不便宜呀！不过在澳门扮韩仔就是要有点银两。好彩烤鸡比想像中有诚意，下次再来时最紧要是约多几个朋友，有多几把口，试多几款！
张贴
