影片
更多
2016-03-28
1343 浏览
放假黎澳门玩，拣了住星豪，外面落住雨，废事去咁远，晚餐就系酒店解决吧。系门口睇睇餐牌，见呢间东南荟好似几ok咁样，就食呢间啦，店内好濶好干净，环境唔错㖞。枱上餐具精致，茶杯系水壶造型，调味料樽成蒜头状，几搞笑椰香咖央多士配温泉蛋 $42好耐无食过咖央，而点了呢个小食，甜甜的带椰香，劲多咖央酱，一啲都唔姑寒，烘热过的面包软熟，一个包已经好饱肚。至于那碟温泉蛋就无乜惊喜，两只半生熟蛋欠蛋香，总算滑口不带腥味。椰汁喇沙汤面 $88做得好嘅喇沙汤系好好饮嘅，试下呢度啲先。果然出色，奶滑带微辣又富椰香，仲有浓浓嘅海鲜味，味道好balance。面条有油面同米粉，爽口又弹牙，吸满汤汁超正，一碗食完暖笠笠，汤都饮哂。印尼海鲜炒饭 $98有一只蛋，两条猪肉串烧，三只单骨鸡翼，伴碟仲有虾片同腌过咸咸酸酸嘅杂菜，鸡翼略咸，炒饭很油，呢个一般啦。马来椰浆饭配咖哩鸡 $88椰浆饭原来系咸的，系香港只食过甜椰浆饭，呢个咸咸地又几得意㖞。咖喱汁几稀，唔太好捞饭，但鸡件嫩滑，份量亦多，收货了。脆皮面包咖哩鸡 $108呢个咖哩鸡又唔同上面个种，汁较浓，香料味更强烈，椰汁味亦重，一啲都唔辣，入面好多鸡件同薯仔，两者都炆得
系门口睇睇餐牌，见呢间东南荟好似几ok咁样，就食呢间啦，店内好濶好干净，环境唔错㖞。
枱上餐具精致，茶杯系水壶造型，调味料樽成蒜头状，几搞笑
椰香咖央多士配温泉蛋 $42好耐无食过咖央，而点了呢个小食，甜甜的带椰香，劲多咖央酱，一啲都唔姑寒，烘热过的面包软熟，一个包已经好饱肚。至于那碟温泉蛋就无乜惊喜，两只半生熟蛋欠蛋香，总算滑口不带腥味。
椰汁喇沙汤面 $88做得好嘅喇沙汤系好好饮嘅，试下呢度啲先。果然出色，奶滑带微辣又富椰香，仲有浓浓嘅海鲜味，味道好balance。面条有油面同米粉，爽口又弹牙，吸满汤汁超正，一碗食完暖笠笠，汤都饮哂。
印尼海鲜炒饭 $98有一只蛋，两条猪肉串烧，三只单骨鸡翼，伴碟仲有虾片同腌过咸咸酸酸嘅杂菜，鸡翼略咸，炒饭很油，呢个一般啦。
马来椰浆饭配咖哩鸡 $88椰浆饭原来系咸的，系香港只食过甜椰浆饭，呢个咸咸地又几得意㖞。咖喱汁几稀，唔太好捞饭，但鸡件嫩滑，份量亦多，收货了。
脆皮面包咖哩鸡 $108呢个咖哩鸡又唔同上面个种，汁较浓，香料味更强烈，椰汁味亦重，一啲都唔辣，入面好多鸡件同薯仔，两者都炆得入味。面包外脆内软，吸了咖哩汁好正，净系食呢个都饱到爆。
原味烧饼 $20唔知道个咖哩包咁饱，仲一早落定个薄饼谂住点咖哩汁食。呢个饼又做得好好味㖞，烟韧有口感，点喇沙汤食一样咁正。
地方大，服务好，住酒店仲有七节优惠，埋单唔使四百蚊，真系物超所值，好满足呀
张贴
