影片
更多
2012-02-10
80 浏览
上次行色匆匆，晏昼嚟到大利来记见超长人龙，就无试，因为仲要要手信兼赶船。今次住得咁近（Hard Rock），当然要嚟会一会佢啦，其实睇食评都知到佢劣评如潮，但唔试过又唔心息，就等小弟犯贱下啦！差唔多11:00am嚟到，唔算多人，同当日嘅超长人龙不可同日而语。瞄瞄餐牌，就晌推介𠮶张餐牌度拣晒。因为招牌硬猪仔包要晏昼3:00pm先有，所以就点咗猪扒菠萝包、猪扒甜餐包、一份咖喱鱼蛋、一杯冻啡同一杯青柠柑桔蜜，一共MOP95，感觉有啲贵，都未试过晌大牌档食成旧水早餐。猪扒菠萝包 MOP20、猪扒甜餐包 MOP20猪扒菠萝包同猪扒甜餐包系佢哋嘅新推介，有个疑问，究竟佢哋有无试过依个配搭呢？其实，个包都几大个，猪扒肉质松软又腌得入味，煎得都几香，单讲块猪扒，确系几好食，但系一夹埋个包一齐食，无论系菠萝包，抑或甜餐包，包嘅甜味同猪扒嘅咸香，系绝对唔衬啰，感觉完全系一个错配，乱点鸳鸯！加上依两款包系软身包，一「扲」就会扁晒，唔晓得弹番起，尤其菠萝包更甚，好影响口感，因为件猪扒都要用少少力咬，结果就一咬包身扁埋变咗团粉！仲有，猪扒系用有骨猪扒，个人觉得以无骨好啲，话晒夹住个包嚟食，唔为意者一口咬落去，撞
差唔多11:00am嚟到，唔算多人，同当日嘅超长人龙不可同日而语。瞄瞄餐牌，就晌推介𠮶张餐牌度拣晒。因为招牌硬猪仔包要晏昼3:00pm先有，所以就点咗猪扒菠萝包、猪扒甜餐包、一份咖喱鱼蛋、一杯冻啡同一杯青柠柑桔蜜，一共MOP95，感觉有啲贵，都未试过晌大牌档食成旧水早餐。
猪扒菠萝包 MOP20、猪扒甜餐包 MOP20猪扒菠萝包同猪扒甜餐包系佢哋嘅新推介，有个疑问，究竟佢哋有无试过依个配搭呢？其实，个包都几大个，猪扒肉质松软又腌得入味，煎得都几香，单讲块猪扒，确系几好食，但系一夹埋个包一齐食，无论系菠萝包，抑或甜餐包，包嘅甜味同猪扒嘅咸香，系绝对唔衬啰，感觉完全系一个错配，乱点鸳鸯！加上依两款包系软身包，一「扲」就会扁晒，唔晓得弹番起，尤其菠萝包更甚，好影响口感，因为件猪扒都要用少少力咬，结果就一咬包身扁埋变咗团粉！仲有，猪扒系用有骨猪扒，个人觉得以无骨好啲，话晒夹住个包嚟食，唔为意者一口咬落去，撞正门牙差少少嘅人，可能牙都崩呀！
咖喱鱼蛋 MOP22一客有8粒鱼蛋，个人觉得好普通咋㖞，鱼蛋唔算话好差，只系无咩亮点，无话好弹牙，又无话好有鱼味，总之就系普通啦！咖喱，讲到系秘制，散买仲收到MOP80樽，小弟只系觉得有咖喱味，但无层次嘅香啫。
冻啡 MOP13、金皇蜂青柠柑桔蜜 MOP20睇人写佢无礼貌都略知一二，今次招呼就无乜嘢。相反，杯青柠柑桔蜜收到成MOP20，劲俾足料呀，老婆话第一口饮落，真系甜到爆，饮几啖再叫人加番啲水沟沟先易入口。
俾个喊佢，无他嘅，咁嘅价位，产品应该有一定水准，既然包又唔好食，鱼蛋又一般，都难以俾个OK啦。
张贴
